Bandièra01 1180x150: País Invisible

Actualitats

Lo galeguisme a revendicat sa fòrça durant lo jorn nacional de Galícia

Lo BNG vòl obténer mai de sostens en prevision de las eleccions galègas, après l’aument de sos vòtes a las eleccions espanhòlas

Tèxte legit

Lo galeguisme manifestèc dimars passat per revendicar sa fòrça durant la jornada nacionala de Galícia. De milièrs de personas percorreguèron las carrièras de Compostèla en seguida de l’apèl fach pel Blòc Nacionalista Galèc (BNG). Jos la devisa “Anem enlà per una nòva Galícia”, lo partit voliá obténer mai de sostens en prevision de las eleccions galègas, après que pogèron sos vòtes a las eleccions espanhòlas.

La pòrtavotz nacionala, Ana Pontón, faguèt una crida a aténher un cambiament de cicle en Galícia amb l’objectiu de far istòria e d’obténer lo govèrn regional. Revendiquèt la fiertat d'èsser una nacion.

D’autre caire, lo Partit Comunista de la Republica Galèga (PCRG) organizèt una autra manifestacion en demandant “Independéncia e socialisme”. De lor latz, las Assembladas Dobèrtas Independentistas marchèron per las carrièras de Compostèla jos la devisa “La defensa de la tèrra es autodefensa”.

 

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article