Bandièra01 capçalera  1180x150: Novestivada

Actualitats

Brelh: se festeja deman “A Stacada” coma cada quatre ans dempuèi la nuèch dels tempses

L’eveniment commemòra e representa una revòlta ciutadana contra los abuses de poder d’un baile local a respècte del drech de cuèissa

Brelh: se festeja deman “A Stacada” coma cada quatre ans dempuèi la nuèch dels tempses
Brelh: se festeja deman “A Stacada” coma cada quatre ans dempuèi la nuèch dels tempses | A Stacada D'Breï

Tèxte legit

Aurà luòc deman dimenge 30 de julhet a Brelh (Val de Ròia) l’espectaclosa fèsta sonada “A Stacada” que se ten cada quatre ans per commemorar e representar una revòlta dels ciutadans contra los abuses de poder d’un baile local per rapòrt al drech de cuèissa.

Tre sièis oras del matin, los pifres e los tambors revelhan los abitants que poiràn gaudir de las representacions de la revòlta fins a 12h30. De ser, après 15h45, un desfilat se rend jol capitèl del lac per executar las danças de la reconciliacion. La jornada s’acaba, coma cada quatre ans, amb un grand balèti.

Lo nom de l’eveniment ven dels mots l’estacada en occitan roiasc, e sas originas remontan a la nuèch dels tempses. Lo document pus ancian que la mençona es una deliberacion municipala del sègle XIX que n’autoriza l’eveniment. Mas de cercaires an descobèrt de documents que poirián ja citar aquesta tradicion al sègle XII, e tanben dins los archius dels sègles XVI, XVIII e XIX.

Las musicas de l’eveniment son vengudas fòrça popularas. Lou Dalfin interprèta lo valzer d’A Stacada de Brelh dins son disc Jan de l’Eireto.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article