De cans de laboratòri abalits als Estats Units son mandats en Euròpa, çò revèla una enquista de l’associacion One Voice. L’associacion demanda la fin d’aquelas practicas e crida a l’atencion de las organizacions internacionalas sus aquela question, çò rapòrta Reporterre. Segon de donadas culhidas pel movement The Camp Beagle, mai o mens 5000 cans son estats expedits d’aquela faiçon pendent las darrièras tres annadas.

En genièr de 2022, una associacion danesa enregistrèt l’arribada a l’aeropòrt de Copenaga de 74 cans sortits de Nòva York que lor destinacion èra un laboratòri de Normandia. Los imatges suscitan de chepics pertocant lor tractament:

“Inquiets, fatigats e assedats, a patolhar dins lors dejeccions, demoraràn embarrats pendent d’oras, quitament dels jorns, dins de boitas de transpòrt fixadas a de paletas”, çò detalha One Voice, dins un comunicat. “Son batuts a totes los vents, dins lo bruch de las turbinas, prèstes per èsser embarcats cap al luòc de lor calvari e de lor mòrt. Lors jaupadas son eloquentas, a crebar lo còr”.

Des beagles apeurés, expédiés sur @flysas par l’élevage new-yorkais de Marshall BioResources... Après un passage par @copenhagenairport, ces chiens finiront notamment chez Charles River en Normandie. Enquête d’@Animadk et @TheCampBeagle_#ExpérimentationAnimale#MBRGatewaytoHellpic.twitter.com/Y0CcO2aLSt

— One Voice (@onevoiceanimal) August 9, 2023