Bandièra01 capçalera  1180x150: Novestivada

Actualitats

Los activistas pel clima en declin sus Twitter

La partença del ret social ara sonat X dels activistas pel clima provòca lo chepic per l’impacte sus l’informacion environamentalista e l’engatjament del public

Près del 47,5% dels comptes engatjats  pel clima son venguts inactius dempuèi qu’Elon Musk n’es lo proprietari
Près del 47,5% dels comptes engatjats  pel clima son venguts inactius dempuèi qu’Elon Musk n’es lo proprietari | James Duncan Davidson

Tèxte legit

Un estudi recent publicat dins la revista scientifica Trends in Ecology & Evolution revèla que la mitat dels comptes actius engatjats dins de discussions environamentalistas e sul cambiament climatic an quitat Twitter, ara dich X, dempuèi qu’Elon Musk lo recomprèt en octòbre passat. Los cercaires de l’Universitat de Pomona, en Califòrnia, considèran aquel declin es un “chepic”, compte tengut qu’aquel ret social èra una plataforma clau per las discussions dels activistas pel clima e l’environament.

L’estudi a comparada l’activitat de dos grops d’internautas entre julhet de 2019 e abril de 2023. Près del 47,5% dels comptes engatjats  pel clima son venguts inactius dempuèi qu’Elon Musk n’es lo proprietari, contra solament lo 21% dels comptes que debaton de la politica estatsunidenca.

Los cercaires atribuïsson aquel declin a la reduccion de la moderacion del contengut per Musk, qu’a menat a una fòrta pojada dels discorses asiroses e de desinformacion. De scientifics e de militants climatics an senhalada una atmosfèra mai toxica e an quitada la plataforma. De son caire, Nature a publicat un sondatge adreiçat als scientifics que conclutz que mai de la mitat d’aquestes an reduch lor temps sus Twitter e que lo 7% an quitat de se’n servir.

En responsa, fòrça cercaires se son desplaçats devèrs d’autras plataformas, coma Mastodon, LinkedIn e Instagram. Los expèrts s’inquietan de las repercussions sus la diversitat, l’equitat e l’inclusion dins l’encastre universitari. Elon Musk a tanben fach venir pagant l’accès a las interfàcias de programacion d’aplicacions Twitter, çò que rend mai complicats los futurs estudis.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

ltrobat
1.

Twitter qu'ei vadut ua piscina a merda taus tròlls covido-sceptics, antivax, climatosceptics, potinistas, ...N'i a pas mei arren a i har tau qui's vòu estauviar la santa mentau.

  • 4
  • 2

Escriu un comentari sus aqueste article