Actualitats
Eth Club Espòrts de Gèu Val d’Aran que participarà en Trofèu Internacionau Ciutat de Barcelona 2012 de Patinatge Artistic
Occitans, catalans e bascos representaràn er Estat espanhòu en aqueth eveniment
Der 11 ath 13 de mai se celebrarà en Barcelona eth Trofèu Internacionau Ciutat de Barcelona 2012 de patinatge artistic, que compde entara Liga Catalana 2011- 2012 e entar Open Internacionau dubèrt ara participacion des modalitats individuaus, per parelhes e dança sus gèu.
Participaràn en trofèu 150 patinaires de 8 estats: Andòrra, França, Belgica, Gran Bretanha, Italia, Irlanda, Republica Checa e Espanha. Ath delà deth Club Espòrts de Gèu Val d'Aran (CEGVA), er Estat espanhòu serà representat pes clubs catalans FC Barcelona, CP Puigcerdà e peth club basco Txuri Berri.
Cau soslinhar era participacion ena categoria Novice Advanced des patinaires deth CEGVA: Ton Cónsul, Alexandru Illici e Tomas L. Guarino.
Eth patinaire Ton Cónsul deth CEGVA, siguec seleccionat entà realizar un programa de Tecnificacion de parelhes de liure organizat pera Federacion Catalana d’Espòrts d’Iuèrn (FCEH) pendent es dies 4 e 5 de mai en Milan damb era patinaira Mónica Carralta deth FC Barcelona entà iniciar es entraïnaments, damb un entraïnador italian especializat ena modalitat de parelhes de liure. Er entraïnador que valorèc fòrça bon eth nivèu tecnic de Ton Cónsul, çò que mòstre qu'ena Val d’Aran s’amie a tèrme un bon programa de trabalh qu’en CEGVA desiren que mielhore pendent es pròplèus sasons.
Conselh Generau d'Aran
Conselh Generau d'Aran
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari