Bandièra01 1180x150: País Invisible

Actualitats

crotz-tolosaCreated with Sketch.GasconhaVal d'Aran

Era Sindica d’Aran demane que tanben se pogue parlar aranés en Congrès des Deputats espanhòu

A compdar dera sesilha venenta, era cramba parlamentària permeterà er emplec deth basco, deh catalan, deth galèc; ath delà deth castelhan

Eth Congrès des Deputats espanhòu ten ara un deputat occitanofòn, er èx-baile de Bossòst, Amador Marqués, que ja diguec enes hilats sociaus qu’auie era “conviccion de deféner er aranés e Aran”
Eth Congrès des Deputats espanhòu ten ara un deputat occitanofòn, er èx-baile de Bossòst, Amador Marqués, que ja diguec enes hilats sociaus qu’auie era “conviccion de deféner er aranés e Aran” | Amador Marqués

Tèxte legit

Era sindica d’Aran, Maria Vergés, demane qu’er aranés se pogue emplegar en Congrès des Deputats espanhòu, qu’a compdar dera sesilha venenta permeterà er emplec deth basco, deth catalan, deth galèc; lengües oficiaus damb eth castelhan.

“Dempús de conéisher er anonci sus er emplec des lengues cooficiaus ena Cramba Baisha, hèt que celebram, mos trapam en déuer, morau e institucionau, de sollicitar qu’er aranés tanben pogue èster emplegat en Congrès”, çò afirme Vergés en ua letra qu’a mandat ara presidenta dera cramba parlamentària Francina Armengol. Ath delà, Vergés li rebrembe era reconeishença dera lengua occitana en Estatut d’Autonomia de Catalonha e ena Lei de Regim Especiau d’Aran.

Eth Congrès des Deputats espanhòu ten ara un deputat occitanofòn, er èx-baile de Bossòst, Amador Marqués, que ja diguec enes hilats sociaus qu’auie era “conviccion de deféner er aranés e Aran” coma era sua “contribucion ara diuersitat”. Per ara, Marqués prenec es sues foncions publicament en lengua castelhana.

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article