Un torista alemand de 22 a damatjat un monument istoric de Florença. S’agís de la Font de Neptun, del sègle XVI, que se tròba sus la Plaça de la Senhoriá, just al costat del Palais Vièlh. Aquel degalhatge se passèt dins la nuèch de dimenge, quand lo torista escalèt l’estatua del dieu roman al centre de la font e foguèt captat per las camèras de susvelhança.

Dins lo vidèo se pòt veire lo jovenòme a sautar la barrièra de la font e pojar sus l’estatua en s’arrapant a las pautas dels cavals e fasent divèrsas pausas del temps qu’un companh li fa de fòtos. L’accion durèt sonque 30 segondas, mas n’i aguèt pro per damatjar l’estatua, concretament la pauta d’un dels cavals que tiran lo carri que transpòrta lo dieu. Lo cònsol màger de la capitala toscana, Dario Nardella, a revelat que la reparacion costariá environ 5000 èuros e que lo damatjaire èra estat localizat e deuriá pagar una emenda considerabla.

Es pas lo primièr còp que de toristas gastan un monument istoric de Florença. Fa qualques jorns, dos d’eles foguèron detenguts per aver pintat de tags sul Corredor de Vasari.

Questo turista ha pensato bene di salire sul Nettuno per un selfie. Per fortuna nessun danno, il sistema di allarme ha funzionato. Grazie alle telecamere del Comune è stato individuato e pagherà una multa salata. Contro il vandalismo sui beni culturali non ci sono giustificazioni pic.twitter.com/QVvBNYaygI

— Dario Nardella (@DarioNardella) September 4, 2023

Firenze, turista su fontana Nettuno per selfie: danni per 5mila euro https://t.co/RJ5sMlX2Fc

— Sky tg24 (@SkyTG24) September 5, 2023