Bandièra01 1180x150: País Invisible

Actualitats

Carcassona: presentacion de l’òbra poetica de Lisa Gròs a la calandreta

Lo programa inclurà la presentacion de l’autora, de lecturas de poèmas e de projeccions

Carcassona: presentacion de l’òbra poetica de Lisa Gròs a la calandreta
Carcassona: presentacion de l’òbra poetica de Lisa Gròs a la calandreta

Tèxte legit

Dijòus 21 de setembre a 18h30 l'escòla Calandreta Barbacana de Carcassona aculhirà un eveniment literari e mai que mai poetic. Organizat per l'IEO - Aude e lo Cercle occitan del país de Carcassona, se presentarà Escotar la vida. Pampalhetas de lutz, l’òbra poetica de Lisa Gros que parteja sa passion per lo país e las tradicions de Camarga.

Lo programa de l'eveniment comprendrà la presentacion de l'autora, de lecturas de poèmas e una projeccion d’un vidèo sus la bovina, per una melhora compreneson de sas poesias.

Clavarà l’eveniment lo moment convivial d’escambis e signatura d’exemplars.

 

 


Presentacion d’Escotar la vida. Pampalhetas de lutz,
Data: Dijòus, 21 de setembre de 2023
Ora: 18:30 oras
Luòc: Escòla Calandreta Barbacana, 6 Carrièra Raimon Rogièr Trencavèl, 11000 Carcassona

 


La tampa de l’òbra es illustrada amb un imatge de l’autora, tirada de la galariá “Meissonencas en Camarga Pichòta”, publicada dins Jornalet en genièr de 2016.

 


GRÒS, Lisa. Escotar la vida. Pampalhetas de lutz. IEO-Vendémias, 2023. 66 paginas. 10 èuros.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

IEO-Aude Carcassona
1.

Los autres rendez-vos del Dijòus-Escritura-Escritura :
- aqueste dijòus 14, 18h30, Calandreta Barbacana : Ian Lespotz-Cal parla de Pierre-Louis Berthaud
- dijòus 28, 16h, mediatèca Gran de sal : Joan-Loís Blenet presenta l'òbra teatrala de Robèrt Lafont
- dijòus 5/10, 18h30 (luòc de precisar) : Miquèl Deit presenta L'Uèlh de Caïn
e tanben :
dimars 19/09, a Argon (Ostal de Cabardés), 18h30 : l'Estanquet de Fasètz la Lenga en Cabardés reçaup Didier Mir per presentar « Les Inaudibles »
dimars 17/10, a Argon (Ostal de Cabardés), 18h30 : l'Estanquet de Fasètz la Lenga en Cabardés reçaup Miquèla Stenta
dimars 21/11, a Argon (Ostal de Cabardés), 18h30 : l'Estanquet de Fasètz la Lenga en Cabardés reçaup Sèrgi Carles
Legissètz occitan !

  • 7
  • 0

Escriu un comentari sus aqueste article