CAPÇALERA OPLO

Actualitats

Tèrratrem en Marròc: mai d’un milièr de mòrts per un sisme de magnitud 7

Las consequéncias de la tragèdia son encara desconegudas e las còlas de salvament contunhan lors prètzfaches

Tèrratrem en Marròc: de centenas de mòrts per un sisme de magnitud 7
Tèrratrem en Marròc: de centenas de mòrts per un sisme de magnitud 7 | AFP

Tèxte legit

Un devastaire tèrratrem de magnitud 7 gangassèt la region del sud-oèst de Marraquèsh divendres de ser, a l’entorn de 23h, amb un epicentre situat a 60 quilomètres d'aquela vila, concretament dins la vila d’Ighil. Lo sisme a provocat la mòrt d'almens 1037 personas e n’a daissadas nafradas mai de 1200, segon de donadas del Ministèri marroquin de l'Interior que consultèrem ièr. Aqueste bilanç tragic, malaürosament, pòt sonque aumentar.

Las consequéncias de la tragèdia son encara desconegudas e las còlas de salvament contunhan lors prètzfaches. Fòrça personas se tròban atrapadas jols tarcums de las bastissas escrancadas, mai que mai dins las zònas de montanha que lor accès es malaisit e las construccions son precàrias. L'impacte del tèrratrem es terrible. A Marraquèsh, s’es destruch lo minaret de la mosqueta de Bab Ailan e tanben una partida del santuari, entre fòrça autres bastiments.

Lo sisme se sentiguèt tanben en d’autras regions de Marròc, coma Larrash, Casablanca e Rabat, causant a la populacion una granda destressa.

Lo tèrratrem a tanben agut de repercussions particularament grèvas sus d’airals toristics, coma Ighil, conegut per sas activitats de randonada, ont fòrça toristas se trobavan a l’ora del tèrratrem.

Las autoritats localas trabalhan de contunh a las operacions de salvament e d’assisténcia a las victimas. De prètzfaches que van contunhar dins las setmanas avenidoiras.

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: Comuna de Tolosa

Comentaris


I a pas cap de comentari

Escriu un comentari sus aqueste article