Bandièra01 capçalera  1180x150: Novestivada

Actualitats

Libia: lo ciclòn Danièl daissa una situacion catastrofica

D’inondacions, doas restancas destruchas, d’ostals esfondrats e de milièrs de mòrts

| سـامي

Tèxte legit

Los devastaires aigats provocats pel ciclòn Danièl an causat en Libia la mòrt de mai de 2000 personas en tot daissar mai de 5000 personas desaparegudas aquestes darrièrs jorns. Las tempèstas electricas e lo vent de fins a 180 quilomètres per ora an agravat la situacion, a mai de l'escrancament de zònas residencialas e la destruccion de doas restancas qu’an liberat mai de 3 miliards de litres d'aiga.

Lo govèrn libian a fach una crida desesperada a las organizacions internacionalas per qu’envien d'ajuda urgentament.

Lo ciclòn Daniel veniá de provocar de grèus damatges en Grècia, Bulgaria e Turquia. Se prevegèt que se desplacèsse ara cap a l'èst, en direccion d’Egipte, mas amb una diminucion de son intensitat.

E mentre que Libia cèrca d’ajuda urgenta, en Marròc, lo nombre de victimas del tèrratrem despassa los dos milièrs e los socorses arriban pas a las victimas.

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article