Actualitats
Lo nòu Institut de las Lengas de l’Universitat de Lhèida a l’occitan coma lenga de trabalh
Vòl èsser un centre de referéncia en lengas pel territòri. Las autras lengas de trabalh son l’espanhòl, lo catalan e l’anglés
L’actual Servici Lingüistic de l’Universitat de Lhèida (UDL) vendrà un Institut de las Lengas a partir del cors que ven “amb l’intencion que siá un centre de referéncia en lengas pel territòri”, segon la directritz del Servici, Marta Giné. Aquel institut fornirà de servicis a la comunautat universitària e a la societat dins la formacion en lengas. Tanben s’ocuparà de conselh e de dinamizacion lingüistica.
La creacion de l’Institut de las Lengas es enquadrat dins lo Plan Operatiu pel Multilingüisme (PÒM) aprovat aquel dimècres passat pel Conselh de Govèrn qu’establís l’encastre estrategic de l’UDL en matèria de politica lingüistica pel periòde 2013-2018. Lo PÒM, que remplaça lo Plan d’Accion pel Multilingüisme (2008), se centra sus la projeccion internacionala de l’institucion, lo desvolopament del multilingüisme e l’engatjament amb las lengas territorialas: lo catalan e l’occitan en Aran.
Entre sos objectius i a: aténher lo multilingüisme e lo plurilingüisme (lengas oficialas e tresenas lengas); garentir de dreches e de devers tocant los usatges lingüistics de la comunautat universitària; melhorar la qualitat lingüistica (orala e escricha) en totes los domenis (recèrca, docéncia e administracion) e en totas las lengas oficialas e de trabalh (catalan, espanhòl, occitan e anglés); estimular la collaboracion de la comunautat universitària en lo desvolopament de la politica lingüistica; e estendre l’ensenhament de las lengas al territòri, tot en collaborant amb d’autres organismes.
La creacion de l’Institut de las Lengas es enquadrat dins lo Plan Operatiu pel Multilingüisme (PÒM) aprovat aquel dimècres passat pel Conselh de Govèrn qu’establís l’encastre estrategic de l’UDL en matèria de politica lingüistica pel periòde 2013-2018. Lo PÒM, que remplaça lo Plan d’Accion pel Multilingüisme (2008), se centra sus la projeccion internacionala de l’institucion, lo desvolopament del multilingüisme e l’engatjament amb las lengas territorialas: lo catalan e l’occitan en Aran.
Entre sos objectius i a: aténher lo multilingüisme e lo plurilingüisme (lengas oficialas e tresenas lengas); garentir de dreches e de devers tocant los usatges lingüistics de la comunautat universitària; melhorar la qualitat lingüistica (orala e escricha) en totes los domenis (recèrca, docéncia e administracion) e en totas las lengas oficialas e de trabalh (catalan, espanhòl, occitan e anglés); estimular la collaboracion de la comunautat universitària en lo desvolopament de la politica lingüistica; e estendre l’ensenhament de las lengas al territòri, tot en collaborant amb d’autres organismes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Comprèni pas guaire l'anglés... ni l'espanhòl... ni lo catalan... aquò deu èsser lo futur de l'occitan.
#1 Bordon, se dintrèsse professor a l'universitat al meriti, aquò se sauriá. La resulta, coma o senhalatz fòrt plan, se fa pas gaire eseprar !… Òsca als Catalans que coma cada còp, nos mòstran lo camin.
Que's poderén anar formar a Lhèida los estudiants occitans qui s'especializan en lenga nosta, la formacion en occitan que i deu estar de mei hauta qualitat qu'a las universitats occitanas. De tota faiçon, de mei baisha qualitat ne pòt pas estar. Atau qu'aurem escabòts de joens occitanizants qui parlarén occitan shens har tres francismes per frasa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari