Bandièra01 1180x150: País Invisible

Actualitats

Polemica en Valonia e França sus un programa educatiu de santat sexuala

Recentament, la situacion a pres una virada inquietanta amb d’informacions falsas. I oarticipan ensems de membres de l’extrèma drecha, de Gilets Jaunes, d’antivaccins, e d’integristas religoses de tota mena

Lo 17 de setembre, a Brussèlas, una manifestacion amassèt entre 1500 e 2000 personas jos la devisa "Toquetz pas nòstres enfants"
Lo 17 de setembre, a Brussèlas, una manifestacion amassèt entre 1500 e 2000 personas jos la devisa "Toquetz pas nòstres enfants" | Timon Ramboer/Belga. AFP

Tèxte legit

Dempuèi lo començament de l’an  escolar, Valonia es immergida dins una intensa polemica a l’entorn de la Guida Evras, un programa d’educacion sus las relacions,  l’afectivitat e la sexualitat que lo parlament de la Federacion Valonia-Brussèlas a decidit de far venir obligatòri pels estudiants de seisena e segonda. Malgrat las sesilhas relativament escassas —doas oras dos còps per an— s’es desencadenada una campanha massissa de desinformacion. Los detractors denóncian una "ipersexualizacion dempuèi l’ensenhament preelementari", en fasent d’afirmacions completament falsas, per exemple en pretendent que s’ensenha la masturbacion als enfants a partir de 5 ans o que se mòstra de filmes pornografics als mainatges a comptar de 9 ans, çò rapòrta Libération.

 

Uèch escòlas atacadas

 

Recentament, la situacion a pres una virada inquietanta amb l’aument de peticions,  de vidèos virals e, sustot, l’atac de uèch escòlas. Lo procuraire de Charleroi a confirmat la dobertura d’una enquista per "incendi criminal” e "associacion de malfactors". Lo 17 de setembre, a Brussèlas, una manifestacion amassèt entre 1500 e 2000 personas jos la devisa "Toquetz pas nòstres enfants". La varietat dels participants atraguèt l’atencion: i aviá de membres de l’extrèma drecha, d’ancians Gilets Jaunes, de seguidors de teorias conspiracionistas sus la COVID-19 e una supausada promocion de la pedofilia, e tanben d’integristas catolics e musulmans.

La polemica atenh ara França amb l’ajuda de figuras influentas coma Maxime Nicolle e lo cantador de rap Rohff, qu’afirman d’un biais erronèu que la Guida Evras arriba en França. Aquò a creat una peticion, inicialament adreiçada a Gabriel Attal, qu’ara interpèla la ministra de l’educacion bèlga, Caroline Désir, qu’a reünit aperaquí 18 000 signaturas uèi per uèi.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lachaud Pierre
1.

Le tsunami intelectuau arrieba.
Los que critican son acusats d'escròcs, de messongiers e l'òm i associa los anti-vaccins e tot çò que l'òm crei qu'es pas confòrme a la pensada oficiala, a l'escòla, au governament.
Mas,, tot aquel monde que critican an lo dreit de pas esser d'accòrd sens se far acusar de complotiste o autre., sens se sentir menaçats de 'chabar lòr vita en prison.
Triste es de veire de las gens d''esquerra defendre un camp que se montra fasciste e que suprima petit a petit la libertat dau parlament per lo transformar en cambra d'enregistrament emben lo secors daus medias e daus organismes mondialistes.
Qui comande? Los poderos e lòrs marionetas politicas.
Oc-es, jornalet a rason de cranher lo tsunami intelectuau.

  • 7
  • 9

Escriu un comentari sus aqueste article