Bandièra01 1180x150: País Invisible

Actualitats

crotz-tolosaCreated with Sketch.LengadòcAlbigésCastrés

Suspension temporària dels trabalhs de l’A69 : fin de la cauma de la set dels militants

Una reünion se tendrà deman entre las autoritats e los militants per decidir lo sòrt del projècte d’autoestrada Tolosa-Castras

Suspension temporària dels trabalhs de l’A69 : fin de la cauma de la set dels militants
Suspension temporària dels trabalhs de l’A69 : fin de la cauma de la set dels militants | Emmanuel Clévenot / Reporterre

Tèxte legit

Après 24 oras de cauma de la set, los tres militants opausats a l’A69 decidiguèron dimars passat, 10 d’octòbre, d’i metre fin , aital coma a lor cauma de la fam, a causa de la suspension temporària dels trabalhs, çò rapòrta Reporterre.

La prefectura del departament de Tarn e de la region nomenada Occitània an anonciat la suspension de las operacions d’eissartatge sul traçat de l’autoestrada A69 fins a deman, 13 d’octòbre, qu’un rescontre es organizat a la demanda del Ministèri francés dels Transpòrts. Es prevista la participacion del ministre Clément Beaune, de la presidenta Carole Delga, dels cònsols màgers e dels elegits dels territòris concernits pel projècte estradièr ansin que del collectiu La Via es Liura (LVEL) e lo Grop Nacional de Susvelhança dels Arbres (GNSA). Los opausants al projècte reclaman l’integracion de totes los elegits dels departaments de Nauta Garona e de Tarn, d’associacions coma França Natura Environament (FNE) e la Confederacion Païsana, e de scientifics.

Aquela dobertura al dialòg menèt los activistas a metre fin a lor cauma de la set, en soslinhant lor determinacion a contunhar la lucha se lors chepics son pas entenduts.

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article