Bandièra01 capçalera  1180x150: Novestivada

Actualitats

Perpinhan: an revendicat l’usatge social del catalan dins la Diada de Catalonha Nòrd

Dos milièrs de manifestants an reclamat un estatut especial que reconesca l’especificitat lingüistica e culturala de Catalonha Nòrd

Tèxte legit

Deman serà la Diada de Catalonha Nòrd, que coma cada 7 de novembre, dempuèi 1659, revendica “d’escafar lo Tractat dels Pirenèus”, pel qual s’incorporèt la partida nòrd de Catalonha a França.

A l’escasença d’aquel jorn nacional, aguèt luòc dissabte una manifestacion a Perpinhan qu’ongan revendica lo plen usatge del catalan e un estatut especial que reconesca l’especificitat lingüistica e culturala de Catalonha Nòrd.

Jos la devisa “Sèm Catalonha Nòrd, fagam los Païses Catalans”, aperaquí dos milièrs de personas revendiquèron l'urgéncia de promòure l’usatge social e la transmission del catalan e la dobertura dels passatges frontalièrs barrats pel govèrn francés que ligan lo territòri amb la rèsta de Catalonha.

Lo Jorn de Catalonha Nòrd se commemòra lo 7 de novembre, mas la manifestacion se desplaça de qualques jorns dins una dimenjada car dins l’estat francés la data es pas un jorn festiu. Se remembra lo Tractat dels Pirenèus, signat per las monarquias francesa e espanhòla en 1659, que simboliza la particion de Catalonha, la pèrda de las institucions pròprias en Catalonha Nòrd, lo començament de la descatalanizacion sistematica del país e la resisténcia de l’identitat catalana als divèrses regims franceses.

 

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article