Bandièra01 1180x150: País Invisible

Actualitats

Perpinhan: de manifestacions antiracistas e contra l’antisemitisme contradictòrias

1000 personas an jonch l’apèl contra l’antisemitisme d’Aliot del temps que Delga participava a la marcha antiracista

Ièr dimenge, aperaquí 1000 personas marchèron per las carrièras de Perpinhan per mostrar la lor oposicion a l’antisemitisme en responsa a la crida del cònsol màger Louis Aliot
Ièr dimenge, aperaquí 1000 personas marchèron per las carrièras de Perpinhan per mostrar la lor oposicion a l’antisemitisme en responsa a la crida del cònsol màger Louis Aliot | @MairiePerpignan

Tèxte legit

Ièr dimenge, aperaquí 1000 personas marchèron per las carrièras de Perpinhan per mostrar la lor oposicion a l’antisemitisme en responsa a la crida del cònsol màger Louis Aliot. Malgrat las tensions anterioras, las contradiccions sospechadas e la paur d’una manifestacion islamofòba, l’apèl d’Aliot atirèt qualques milièrs de manifestants.

Lo cònsol màger d’extrèma drecha aviá cridat a manifestar per tal de denonciar las inquietantas mòstras d’antisemitisme qu’an crescut dins l’estat francés dempuèi lo conflicte de Gaza. Malgrat las criticas de l’esquèrra, que denonciava una “recuperacion desvergonhada”, la comunautat josieva locala respondèt a l’apèl.

En parallèl, la presidenta de la region, Carole Delga, respondèt a la crida de l’Associacion dels Cònsols Màgers e participèt a una manifestacion antiracista tanben dins la capitala nòrd-catalana. Delga exprimiguèt son engatjament amb las “associacions antiracistas” e tanben condemnèt los actes antisemitas.

Aquel eveniment seguís d’autras manifestacions recentas a Perpinhan, coma l’acamp de divendres passat ont qualques centenas de personas exigiguèron una alta al fuòc en Gaza, amb una participacion creissenta, aquel còp amb l'autorizacion de la prefectura.

 

 

 

 

 

 

 

 

 

 

 

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lachaud
2.

L'antisemitisme e l'antiracisme son alimentats per lo grand Raminagrobis e per daus medias au servici d'aquel Raminagrobis. Tot aquò es fach per divisar e mielhs renhar. De tot temps declenchar una guerra contre un pais estrangier fasia oblidar los problems interiors e permetia de renforçar l'autoritat dau governament. Uei, fasam una guerra civila, una faussa guerra civila.
Darrier Raminagrobis i a tot l'argent de la clica dau mai poderos, los mesmes qu'an botat lo fuec a l'orient median dempuei mai de 50ans e que vivan de la guerra.
Es temps d'afirma la patz.

  • 6
  • 5

Escriu un comentari sus aqueste article