Bandièra01 1180x150: País Invisible

Actualitats

La Passem 2024: s’es lançada la crompa de quilomètres

La corsa per la lenga pren una dimension novèla en traversant Bigòrra, Comenge, Armanhac, Bearn e las Lanas

La Passem 2024: s’es lançada la crompa de quilomètres
La Passem 2024: s’es lançada la crompa de quilomètres | Christophe Dubertrand

Tèxte legit

L’associacion Ligams ven d’anonciar amb estrambòrd l’edicion 2024 de La Passem, un eveniment totjorn mai ambiciós per la lenga occitana. La Passem mescla de festivitats, d’espòrts e d’engatjament, amassa de participants de totas edats, dels carretons als deambuladors, amb de joeletas que permeton que totòm pòsca jónher una corsa que mòstra son caractèr inclusiu.

Dempuèi sa primièra edicion en 2018, La Passem a pas cessat de créisser, amb un trajècte que s’espandís sus 1100 km de Tarba al Mont de Marçan en sièis jorns e cinc nuèches. A l’ora d’ara, mai de 200 benevòls se son mobilizats, coordenats per un conselh d’administracion, per assegurar la capitada de l’eveniment.

En 2024, La Passem pren una dimension novèla, en percorrent Bigòrra, Comenge, Armanhac, Bearn e las Lanas. Partirà de Tarba, cobrirà 250 km e traversarà 82 comunas. Los bigordans son particularament implicats, amb 10 sectors de benevòls que trabalhan per enriquir l’experiéncia de la corsa.

La crompa dels quilomètres es desenant dobèrta, çò que permet als participants de causir lor trajècte en foncion del luòc o del moment preferit per córrer. Los quilomètres son venduts al prètz de 100 èuros, amb la possibilitat de crompa en version papièr o en linha sul sit lapassem.com.

Lo cònsol màger de Tarba, Gérard Trémège, inaugurèt dimars passat la crompa dels quilomètres.

Fòrça actualitats son esperadas d’aicí al 30 d’abril, sustot la presentacion de la musica oficiala de La Passem 2024, la revelacion de la camiseta d’ongan e una conferéncia de premsa al Mont de Marçan per desvelar las animacions e presentar l’arribada de l’eveniment.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article