Actualitats
L’FPLP refusa de negociar la patz amb Israèl jos la presidéncia estatsunidenca
“Anèrem a l’ÒNU justament per prene lo nòstre afar en defòra de las mans dels Estats Units”
Lo Front Popular per la Liberacion de Palestina (FPLP) a refusat de nòvas convèrsas de patz amb Israèl a pena qualques oras abans lor represa diluns passat.
Lo partit d’esquèrra FPLP, una importanta faccion de l’Organizacion per la Liberacion de Palestina (ÒLP), diguèt que la represa de las convèrsas “èra una mesura unilaterala del president Mahmud Abbas, qu’a pas lo sosten de l’ensems de l’ÒLP”.
“L’FPLP es contra la represa de las negociacions”, çò diguèt a Ma’an News una de las caps del partit, Khalida Jarrar. “Aquelas convèrsas seràn presididas pels Estats Units, coma a Òslo fa vint ans”, çò planguèt Jarrar, qu’apondèt: “Anèrem a l’ÒNU justament per prene lo nòstre afar en defòra de las mans dels Estats Units.”
D’efièch, l’Assemblada Generala de las Nacions Unidas (ÒNU) aprovèt en novembre passat la condicion d’estat observaire permanent per Palestina, coma per lo Vatican, en respondent a la demanda del president de l’Autoritat Nacionala Palestiniana, Mahmud Abbas.
Tocant las convèrsas de patz iniciadas diluns, s’agís d’un “jòc personal” de Mahmud Abbas, çò declarèt Khalida Jarrar.
Washington foguèt la sedença de las convèrsas preliminaras diluns passat entre lo cap de l’ÒLP per las negociacions, Saib Urayqat, e son omològa israeliana, la ministra de la Justícia, Tzipi Livni.
La darrièra sèria de negociacions dirèctas entre las doas parts se trenquèt en setembre de 2010, qualques setmanas après aver començat.
Lo secretari d’estat estatsunidenc John Kerry a vesitat la region sièis còps pendent divèrses meses per negociar la represa de las negociacions.
Lo partit d’esquèrra FPLP, una importanta faccion de l’Organizacion per la Liberacion de Palestina (ÒLP), diguèt que la represa de las convèrsas “èra una mesura unilaterala del president Mahmud Abbas, qu’a pas lo sosten de l’ensems de l’ÒLP”.
“L’FPLP es contra la represa de las negociacions”, çò diguèt a Ma’an News una de las caps del partit, Khalida Jarrar. “Aquelas convèrsas seràn presididas pels Estats Units, coma a Òslo fa vint ans”, çò planguèt Jarrar, qu’apondèt: “Anèrem a l’ÒNU justament per prene lo nòstre afar en defòra de las mans dels Estats Units.”
D’efièch, l’Assemblada Generala de las Nacions Unidas (ÒNU) aprovèt en novembre passat la condicion d’estat observaire permanent per Palestina, coma per lo Vatican, en respondent a la demanda del president de l’Autoritat Nacionala Palestiniana, Mahmud Abbas.
Tocant las convèrsas de patz iniciadas diluns, s’agís d’un “jòc personal” de Mahmud Abbas, çò declarèt Khalida Jarrar.
Washington foguèt la sedença de las convèrsas preliminaras diluns passat entre lo cap de l’ÒLP per las negociacions, Saib Urayqat, e son omològa israeliana, la ministra de la Justícia, Tzipi Livni.
La darrièra sèria de negociacions dirèctas entre las doas parts se trenquèt en setembre de 2010, qualques setmanas après aver començat.
Lo secretari d’estat estatsunidenc John Kerry a vesitat la region sièis còps pendent divèrses meses per negociar la represa de las negociacions.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per Palestina e Israel, una sola solucion : un estat atèu e ateïsta, laïc en diable e mai laïcàs e, plan segur, bilenga…
L'FPLP que repepia dab tostemps la medisha sonsaina. L'ONU n'a pas los mejans d'obligar Israèl a evacuar los territòris palestinians, ni d'impausar un boicòt deus sons produits, ni arren. Las afranquidas de cap a las agéncias onuencas que son un mejan de pression entaus palestinians e ua espada de Damocles entà israèl, ne deven pas pesar per pòc en aquesta represa de las negociacions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari