Bandièra01 1180x150: Comuna de Tolosa

Actualitats

Bernadette Lafont nos a quitat

L’actritz nimesenca Bernadette Lafont, una de las musas del movement cinematografic nomenat èrsa nòva (nouvelle vague), nos quitèt dijòus passat dins sos 71 ans. Trabalhèt en mai de 180 produccions de cinèma e de television e intervenguèt en de filmes de François Truffaut, Claude Chabrol o Jean Eustache.
 
De Lafont, que passèt de la dança al cinèma quand se maridèt amb l’actor Gérard Blain, òm se’n remembrarà especialament pels sieus ròtles jogats dins La Fiancée du Pirate de Nelly Kaplan, La Maman et la Putain d’Eustache e L’Effrontée de Claude Miller, una òbra qu’amb ela ganhèt en 1985 lo prèmi César de l’acadèmia francesa de cinèma coma melhora actritz segondària.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

cissonet occitània
5.

#2
Sabi pas tròp de que ne'n pensar d'aqueles occitans d'origina qu'òbran mai que mai per Paris (e per eles !). S'ameritan la consideracion de Jornalet ?
Parli pas aqui de la Bernadeta Lafont qu'avia plan consciéncia d'onte venia. Sa mòrt foguèt l'escasença per ieu de veire "La Maman et la Putain" mercés arte+7 (es totjorn en linha, me pensi...). Dins aquel film, Jean Eustache, lo realisator, nascut a Pessac, passat per Narbona (que li inspirèt dos filmes sieus), fa dire a l'actor principal, Jean-Pierre Léaud, son doble : "Par contre c'est l'avantage de Paris : parce qu'en plus de ce que j'ai dit, ils sont tristes. Ils ne cherchent pas à donner le change. Comme ces méridionaux, avec leur ignoble bonne humeur, leur espèce de générosité, de chaleur humaine."
Vertat, sabi pas tròp de que ne'n pensar...

  • 3
  • 0
Recabrunasc RCM
4.

E que deven l'actora famosa dal Pemont occitan Domenja Bosquíer (Dominique Boschero) que parla occitan e que juguèt dins un moron de filmes dins las annaias 60 ?
Se presentèt a l'epòca per un partit occitan as eleccions localas damb Tòni Baudríer (Bodrero) en val Maira. Seria una persona a entrevistar per jornalet !

  • 7
  • 0
pèire cardenal
3.

Berfnadeta èra uganauda e la paura es estada sepelida dins lo jardin de son ostau de famiha, coma seis avis i aguèt una ceremonià funebra au temple ambe lo pastor, d'enterrar lei parpalhots dins sei tèrras es una tradicion que ven que li refusavan la terra sacrada dau cementèri; ei parier dins lo Leberon onte lei vaudés devenguts protestants se fasiàn enterrar au sieu, de preferéncia dins una pichota bauma qu'èra puèi muralhada, coma aquo aviàn pas besonh de cavar, ne possedi doas d'aquelei tombas dins mei proprietats, malurosament profanadas, bessai n'i a d'autrei, tant ben escondudas que leis an pas'n'cara descubèrtas e que son doncas inenmas...

  • 3
  • 0
Oton d'Aniòrt Aniòrt de País de Saut
2.

Car Pèir Mir, vertat es que nos es mòrta l'actritz Bernadeta Lafont, fa ja una setmana… Mas me sembla que la tòca del Jornalet seriá mens aicí de ne nos assabentar que non pas de nos assabentar que Dòna Lafont, dins "un mond melhor", auriá pogut far l'actritz en occitan, dins la lenga de sa tèrra mairala… E Bernadeta es tornada a sa font, supausi.

D'autres grands de la "culture française" actuala, coma Claudi Chabròl, son occitans d'origina (d'Auvernha, aiceste, o cresi). Se lo Jornalet non o nos senhala, non serà lo 20 oras de Dàvid Pujadàs qu'o farà, ja qu'aqueste mena de pujadàs es mailèu una davalassada cap al non-res de l'oblit de se meteis. Per çò del 20 oras de la Clara Chasal, cal plan constatar que la pluèja lemosina tomba pas mai al casal dempuèi bèl brieu e que tota vida autentica es a i crebar (museograficadda o escafada de secanha) de pel desèrt uman de l'ambient "pipòl" d'un granda capitala estrangièra…

Tant luènh d'aquela dereliccion aculturanta, lo Jornalet pòt jogar son ròtle, a se bastir pauc a pauc.

  • 5
  • 0
Pèir Mir Sent Guironç (Coserans)
1.

Urosament qu'avem eth jornalet na brembar-mos deras notícias (quasi frescas) dera setmana passada. Prauba Bernadeta!

  • 6
  • 1

Escriu un comentari sus aqueste article