Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Crisi al CAPÒC: an daissat sens personal lo pilar de l’ensenhament public de l’occitan

S’es aviada una crida a la mobilizacion per la reïntegracion immediata del personal

| Alberto Ortiz

Tèxte legit

Dempuèi qualques setmanas, lo Centre d'Animacion Pedagogica en Occitan (CAP'ÒC) travèrsa una crisi màger. Dempuèi que lo ret Canopé (l’ostal maire) a licenciats sos dos ensenhaires, lo CAP'ÒC demòra barrat per una durada indeterminada. L'enquista intèrna a pas revelada cap de fauta, sustot pertocant Sénher Hervé Couture, responsable del CAP'ÒC.

Creat en 2001, lo CAP'ÒC, installat a Pau dins los locals de l'Escòla Superiora del Professorat e de l'Educacion (ESPE), es un servici de la direccion territoriala del ret Canopé per las acadèmias de Bordèu, Lemòtges e Peitieus.

Lo CAP'ÒC, pilar de l'ensenhament de l'occitan, es essencial per la promocion de la lenga per divèrsas publicacions de qualitat. Pasmens, lo Conselh Academic de las Lengas Regionalas (CALR) de Bordèu anóncia que lo recrutament de novèls ensenhaires prendrà almens 6 meses, daissant lo CAP'ÒC sens personal qualificat pendent aquel periòde crucial.

Davant aquela decision unilaterala, una peticion sostenguda per Òc-Bi, lo CRÈO e de sindicats d'ensenhaires es estada lançada, cridant a la reobertura immediata del CAP'ÒC e la reïntegracion d’Hervé Couture. Lo ligam de la peticion es disponible aicí.

Las missions vitalas del CAP'ÒC, talas coma la difusion de la lenga occitana, la creacion pedagogica, la formacion dels ensenhaires, son uèi compromesas. La decision de Canopé de retirar brutalament dos professors sens assegurar la continuitat pedagogica met en perilh los esfòrces desplegats dempuèi vint ans dins lo domeni de l'ensenhament de las lenga e cultura occitanas.

 

 


Signar la peticion: https://chng.it/CGPNft6yPr

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article