Bandièra01 capçalera  1180x150: Novestivada

Actualitats

Catalonha: amassada istorica de conselhs municipals del nòrd e del sud

La tòca es de crear de ligams, de desvolopar de projèctes amassa e de cambiar la representacion mentala de la frontièra politica

| Angelets de la Terra

Tèxte legit

Mai d’una centena d’elegits de 66 comunas del nòrd e del sud de Catalonha se reüniguèron divendres passat a Sant Cebrià de Rosselló per fi  de crear de ligams, de desvolopar de projèctes amassa dins certans camps coma l’educacion, la cultura e l’economia, e de cambiar la representacion mentala de la frontièra politica entre los estats espanhòl e francés. L’eveniment se menèt a bon tèrme en seguida de l’inciativa de l’associacion culturala Angelets de la Tèrra.

La jornada amassèt de cònsols màgers, de cònsols e de representants de divèrsas municipalitats, e culminèt amb la signatura pels elegits d’una “Carta de las Municipalitats Catalanas sens Frontièras“ que sollicita de las comunas que designen una persona encargada d’establir d’escambis entre lo nòrd e lo sud, de participar a de reünions, de convidar de representants d’autras municipalitats e d’organizar d’activitats per refortir los ligams.

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
2.

Ieu, soi totalament favorable a la disparicion de tota frontièra entre Occitania tota (de Menton a Baiona) e Catalonha tota, de Barcarés a Guardamar. E l'idèa de far tombar tota frontièra entre Euskadi e Occitania non me tafura pas. De frontièra, non ne voldriái mai qu'una : la que botariam en plaça a l'entorn dels territòris originaris de tot supremacisme expancionista… Aquò nos fariá unas resèrvas d'amòris, pels estudis antropologics futurs. Mas es vertat que son mai d'un — ne compti al mens doas sul territòri considerat —, e que d'aquí estant, caldriá ajustar una "s" a frontièra…

  • 5
  • 1
l'etabosit
1.

Perque "sens frontièraS" ? La Catalonha a pas de frontièras ara ? Se seriá per passar enlà de la frontièra franco-espanhòla, seriá logic. Mas alavètz, i auriá pas agut de S a la fin del mot. Alavètz perque ? La rason : la voluntat de destrusir las frontièras, aquelas de Catalonha inclusa. Amb aquel monde, ni Occitania ni Catalonha an un futur.

  • 1
  • 5

Escriu un comentari sus aqueste article