Bandièra01 1180x150: País Invisible

Actualitats

La Confederacion Haudenosaunee participarà jos sa bandièra als Jòcs Olimpics de 2028

O faràn per la discplina de la cròça e an lo sosten dels Estats Units e Canadà. Es la primièra esquipa indigèna que participa a una competicion internacionala

La Confederacion Haudenosaunee participarà jos sa bandièra als Jòcs Olimpics de 2028
La Confederacion Haudenosaunee participarà jos sa bandièra als Jòcs Olimpics de 2028

Tèxte legit

La Confederacion Haudenosaunee, o dels iroqueses, qu’amassa de pòbles originaris dels Estats Units e Canadà, participarà jos sa pròpria bandièra als Jòcs Olimpics de Los Angeles en 2028 dins la disciplina de la cròça. Lo president estatsunidenc, Joe Biden, e la ministra dels espòrts de Canadà an anonciat lor sosten, çò rapòrta The Washington Post.

E mai encara s’espère l'aprobacion del Comitat Olimpic Internacional per la participacion olimpica de la Confederacion Haudenosaunee, lo sosten dels Estats Units e Canadà es ja un pas significatiu devèrs l’inclusion de las esquipas indigènas dins de competicions internacionalas.

L’esquipa, qu’a longtemps luchat per aquela reconeissença internacionala, o considèra coma un moment istoric, tant per la representacion olimpica de la confederacion dels iroqueses coma pel retorn de la cròça als Jòcs Olimpics après mai d’un sègle.

La cròça (del francés “la crosse” mas internacionalament se ditz sovent lo lacrosse en passant per l’anglés) es un espòrt collectiu d'origina autoctòna americana ont los jogadors se servisson d'una cròça per metre una bala dins la buta advèrsa. Foguèt codificat en 1867 pel canadenc William George Beers.

La Confederacion Haudenosaunee es formada de las nacions seneca, cayuga, oneida, onondaga, mohawk e tuscarora.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article