Bandièra01 1180x150: País Invisible

Actualitats

Vatican: l’avet de Nadal e la revendicacion de la toponimia occitana

L’arbre sortit de la Val Maira pòrta una reflexion de Fredo Valla sus l’importància de restaurar los noms de luòc en occitan

Vatican: l’avet de Nadal e la revendicacion de la toponimia occitana
Vatican: l’avet de Nadal e la revendicacion de la toponimia occitana

Tèxte legit

L’avet de Nadal de la plaça de Sant Pèire del Vatican es occitan; ven de la vila de l’Arma (Val Maira). Lo nom italian d’aquela vila, Macra, es lo mai mençonat pels mèdias italians, mas una tribuna publicada per Fredo Valla sus l’edicion de Coni de La Stampa remembra lo nom autentic de la vila e son sens que pòt  aténher una dimension esperitala e intima mai prigonda, ajustant un tòc de sens a la celebracion de Nadal.

La tribuna de Valla met egalament endavant lo fach que la desoccitanizacion de la toponimia altèra los noms dels luòcs: per exemple un vilatjòt de la Val Cluson que se nomena Ser Vielh es italianizat en “Borgata Cervelli” en italian, o tanben una montanha foguèt citada sus las cartas oficialas coma Monte Saburen, car l’enquistaire demandèt lo nom a un estatjant que li respondèt: “Sabo ren”.

Aqueles detalhs, segon Valla, poirián èsser essencials per revendicar que los toponims de las Valadas Occitanas sián restaurats dins lor nom originari, per tal de preservar la fiertat de la pròpria identitat e de l’istòria.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article