Aquesta dimenjada, a Granhaga, dins la banlega tolosana, se debanavan las finalas de las Copas de la Liga de la region Occitània.

Aquí las resultas del dissabte:

• U17 a 9: Aigasvivas-Tolosa Juli Julian bat Caurs-Vilafranca 34-14

• U19 a 9: Caurs-Viure ensems s’acaba 26-26, mas es Caurs lo ganhaire

• U 13 a 9: Lesinhan ganha lo dèrbi  fàcia als Pichons de Corbièras (Ornasons) 26-22

• U13 a 13: Toluges bat Pià18-12

• U17 a 13: Albi bat Carcassona 32 a 6

• Femeninas: Aigasvivas bat Realmont 24 a 12

e las resultas del dimenge:

• U13 a 9: victòria de la formacion tarnesa (l’Escura-Valdariás-Vilafranca d’Albi) 16-10 fàcia a Aigasvivas

• U15 a 9: Tolosa Juli Julian es sens pietat per Tonens: 50-0

• U15 a 13: L’afrontament catalan vei l’Acadèmia Geckos batuda pel XIII Catalan 16-22.

• Seniors: Toluges-Baó domina Tolosa Juli Julian: 42-10.

Dissabte, a l’Escura, dins una partida de las femeninas, la seleccion de las jogairas de l’Èst a batut las representantas de l’Oèst: 8-6.

La Partida de las Originas del XIII-cadieral se jogarà lo dissabte 6 de genièr (18h15) en Bretanha, a Saent-Erbalaen.

Copa: e 3 que fan 16!

Demoravan 3 plaças d’autrejar per la participacion als ueitens de finala de la Copa Lòrd Derby los 6 e lo 7 de genièr en companhiá dels 10 clubs d’Elèit 1 e dels 3 clubs d’Elèit 2 designats pel tiratge al sòrt: l’Escura, Selon e Entraigas.

Dissabte, Vilafranca eliminèt Carpentràs dins una partida de sens unica: 52-4. Dimenge, Illa dispausèt aisidament 64-10 de Tonens alara que Vilagalhenc-Argon s’anava qualificar a Palau del Vidre: 32-12. L’an passat, los Singlars de Cabardés recebèron Albi en quarts de finala; aquesta sason serà en ueitens!

Dragons: Taukeiaho es pas lo pè!

Lo pilar tongan Siua Taukehiaho faguèt pas una sason flama l’an passat cò dels Dragons. L’entraïnaire McNamara l’aviá mes sus una listaa d’indesirables. En Austràlia, passèt pas l’obstacle de la vesita medicala pr’amor d’una nafradura del pè. Resulta: es totjorn titular a Perpinhan, se fa operar a Montpelhièr e, tant qu’es pas partit, empacha un recrutament novèl pels Sang e Aur!

Per ara, Sam Tomkins e Mitchell Pearce prenon la retirada esportiva. Tiaki Chan partís a Wigan coma Adam Keighran; Mickael Goudemand jogarà aLeeds. Tyrone May a signat a Hull KR e Matt Whitley a St Helens.

Per contra, Tèo Fages daissa Huddesfield e torna al país. Lo pilar tongan, ancian dels NZ Combatents, Chris Satae arriba d’Hull FC. Tres jogaires daissan los antipòdes: l’abans Tariq Sims e lo mièg Jayden Nikorima portavan las colors de la Tempèsta de Melbourne e Bayley Sironen jogava a Auckland. Sironen, avètz dit Sironen? Son fraire Curtis jòga a St Helens e son los filhs d’una legenda del XIII: Paul Sironen, que joguèt un temps a Vilanuèva d’Òlt! Lo XIII es una granda familha!