Actualitats
La polifonia deus Pirinèus gascons sus France 3
Lo grop Allegria que representè la region dita Occitània au Gran Concors de las Regions emetut lo passat 5 de genèr sus aquera cadena de television
Lo grop bigordan de polifonia Allegria, de l'associacion Canta Se Gausas, que representè la region dita Occitània pendent la prumèra edicion deu Gran Concors de las Regions consagrat au cant folcloric. Devath l'espiar atentiu d'ua jurada compausada de Vincent Niclo, Marie Myriam, Magali Ripoll e André Manoukian, lo grop qu’interpretè las cançons Deus trèits d'ua bruneta e Montanhas de Hiars, duas causidas enter l'immens repertòri musicau de la cantèra gascona. Dètz còlas vienudas de pertot que participèn ad aquera serada au Royal Palace de Kirrwiller, en Alsàcia.
Lo títol de melhor cant folcloric de França qu'estó emportat, fin finau, peu grop de mainadas Maîtrise Sainte-Philomène de Hawenau, qui representava Alsàcia e la region dita Gran Èst. Totun, la participacion d'Allegria au programa qu'a representat ua excellenta promocion entau grop e entau cant polifonic deus Pirenèus gascons, ua tradicion que gaudeish pauc (o briga) de mediatizacion.
JR
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca ad aqueths valents cantaires bigordans qui s'an ganhat la plaça en finala mercés... a ua cançon biarnesa.
Osca los amics!
Damb representants atal, l'Occitania es fièra! E tanben totes los "minorizats" de pertot que cantan encara.
Mercés d'aquela crana prestacion.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari