Bandièra01 capçalera  1180x150: Novestivada

Actualitats

“Operacion Catalonha”: se destapa cossí lo govèrn espanhòl creava de nòvas falsas per far acusar d’independentistas catalans

L’actual govèrn de l’estat e de representats independentistas a Madrid, an acordat de crear una comission d’enquista

Lo ministre de l’interior n’assabentava periodicament lo primièr ministre per mejan de rapòrts meses dins d’envolopas blancas sens cap de referéncia
Lo ministre de l’interior n’assabentava periodicament lo primièr ministre per mejan de rapòrts meses dins d’envolopas blancas sens cap de referéncia | Ministerio del Interior 2018

Tèxte legit

D’informacions desveladas diluns passat per los jornals ElDiario.es,El Nacional e La Vanguardia rapòrtan de detalhs inquietants de la campanha de difamacion nomenada

Operacion Catalonha“ contra l’independentisme catalan, tenguda dins las darrièras annadas amb la tòca de frenar lo procès independentista. Segon aquelas informacions, una còla de la polícia, comandada pel Ministèri de l’Interior, creavan de “nòtas informativas” qu’implicavan de caps politics catalans a partir d’informacions confidencialas obtengudas sens cap d’autorizacion judiciària mescladas amb de donadas falsas o manipuladas per tal de fomentar d’acusacions. Lo ministèri n’assabentava periodicament lo primièr ministre precedent, Mariano Rajoy, per mejan de rapòrts meses dins d’envolopas blancas sens cap de referéncia. Puèi, aquelas informacions falsas èran publicadas sus la primièra pagina de qualques jornals estatals e, en seguida, lo ministèri public entamenava las denóncias oportunas e començava lo procès judiciari.

Lo president catalan en exili, Carles Puigdemont, a denonciat aquela operacion coma un “crime contra la democracia”, en soslinhant que los responsables politics devon respondre de lors crimes. Mentretant, l’actual govèrn de l’estat e de representants independentistas del Congrès dels Deputats, a Madrid, son convenguts de crear comission d’enquista per tractar l’afar.

D’autra caire, lo govèrn espanhòl a decidit de desarchivar las informacions ligadas a l’usatge del logicial Pegasus per espionar los telefòns mobils de politicians, jornalistas e activistas catalans.

 

 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitèas
1.

Lo comissari Villarejo, qu'es a l'origina de las revelacions de çò que se'n ditz "las cloacas del Estado" perque el-meteis èra encargat de la basa del montatge difamatòri, diguèt un jorn que, s'un jorn lo tròban mòrt en preson, cal que lo mond sàpia qu'a pas ges envaja de se suïcidar. Coma al país de Dòn Corleòne.
Parlam dels montages per criminalizar los Catalans. Amb lo relèu majoritari dels mèdias complasents amb los govèrns successius a Madrid e acarnassits e de marrida fe contra Barcelona.
Abans i aguèt -e ara degun o nega pas pus- la màfia dels grops paramilitars del GAL pagats pel govèrn "socialista" pertuar de Basques.
Sens parlar dels jutges que contunhan ara encara de far de politica en despièg de la division de poders. Politica tardofranquista, quin azard!
Aquò per los que vòlon pas creire que l'Estat espanhòl es totjorn cussonant pel vèrme del fraquisme.

  • 8
  • 0

Escriu un comentari sus aqueste article