Bandièra01 capçalera  1180x150: Botiga

Actualitats

Pàmias: mòrt d’una agricultritz e de sa filha

Los agricultors protèstan contra divèrses problèmas, sustot l’inflacion, l’auça dels impòstes, la concurréncia estrangièra e lo Pacte Verd Europèu

Tèxte legit

Diluns d’après-miègjorn, una centena d’agricultors ocupavan l’RN20 près de Pàmias per exprimir lor colèra. Pasmens, dimars cap a 5h45, una auto dalhèt tragicament una familha presenta sus un barratge, entrainant la mòrt immediata de la maire, Alexandra Sonac, de 35 ans, çò rapòrta Le Monde. Son marit, Jean-Michel, es grèvament nafrat, e lor filha de 12 ans defuntèt mai tard dins la serada. L’agricultritz abalissiá amb son marit de vacas lachièras e cultivava de milh dins lo vilatge de Sant Felitz de Tornagat (País de Pàmias).

Los ocupants de l’auto, un òme e doas femnas, son en gàrdia a vista per “omicidi involontari agravat e nafras agravadas”.

L’accident a exacerbadas las tensions, ja pro fòrtas, e de novèlas manifestacions son previstas dins tot lo país. Crenhent de repercussions negativas sus l’agricultura, los agricultors demandan de compensacions a las mesuras environamentalas impausadas per l’Union Europèa.

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article