Actualitats
Barcelona celèbra las 29as Jornadas Occitanas
De conferéncias e de concèrts ambientats dins lo mond medieval occitan animaràn l’agenda culturala de l’Universitat Autònoma de Barcelona
Tèxte legit
Aqueste mes de febrièr, se celebrarà la 29a edicion de las Jornadas Occitanas a l'Universitat Autònoma de Barcelona. Son organizadas per l’Arxiu Occità e dempuèi 29 ans valorizan la cultura occitana dins aquela universitat. Ongan, las jornadas seràn combinadas amb divèrses eveniments del cicle Anfós X e Galícia qu’aurà luòc a Barcelona long d'aqueste mes, e convidaràn la cultura brasilièra amb la tenguda de dos concèrts del Grupo Ánima qu'amassaràn la musica medievala e trobadoresca amb la musica tradicionala de Brasil.
L’Arxiu Occità es una institucion dependenta de l'Institut d'Estudis Medievals de l'Universitat Autonòma de Barcelona, e òbra dempuèi 30 ans per la difusion de la realitat occitana dins l’encastre universitari. Es a l’origina de la creacion recenta del Fons Macip-Zabala, que permet la consulta de totas las emissions d'informacion en occitan difusadas pendent 18 ans a la Television de Barcelona.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari