Bandièra01 1180x150: País Invisible

Actualitats

Fontians de Cabardés: lo prefècte refusa un gòlf XXL per preservar l’aiga

Lo projècte de Catherine Lacoste compreniá un gòlf internacional, un club house, una ostalariá-restaurant 4 estelas, 45 bastidas, 50 apartaments, de lotjaments pel personal, e una estacion d’espurgament

Fontians de Cabardés: lo prefècte refusa un gòlf XXL per preservar l’aiga
Fontians de Cabardés: lo prefècte refusa un gòlf XXL per preservar l’aiga

Tèxte legit

Victòria pels opausants al gòlf XXL a Fontians de Cabardés; lo prefècte del departament d’Aude, Christian Pouget, a refusat lo projècte per preservar l’aiga, çò rapòrta Libération. Lo projècte de Catherine Lacoste, estimat a 170 milions d'euros, compreniá un gòlf de nivèl internacional, un club house, una ostalariá-restaurant 4 estelas, 45 bastidas, 50 apartaments, de lotjaments pel personal, e una estacion d’espurgament.

Lo prefècte diguèt qu’èra fòra de question de sosténer un tal projècte, en soslinhant son incoeréncia amb la preservacion de la ressorsa d’aiga en Montanha Negra. L'associacion Montanha Negra Avenidor (MNA) celèbra una "victòria politica", e remarca lo revirament de l'Estat que, fins ara, sosteniá lo projècte.

Ara, après l'oposicion del prefècte al projècte, MNA soslinha la manca d'informacions pels abitants sus las consequéncias financièras e recòrda sa dobertura a collaborar amb la comuna. “Sabèm pas res de la question de la penalitat de 300 èuros per jorn que la riscariá la comuna se lo projècte se fasiá pas”, çò ditz lo pòrtavotz de l’associacion, segon La Dépêche.

Mas la municipalitat demòra silenciosa e los prepauses del cònsol màger daissan pauc d'espèr a de collaboracions. Lo projècte de la sala polivalenta es estat abandonat a causa dels còstes juridics. La societat Telcapi, portaira del projècte, es tanplan muda. La cambra de comèrci d'Aude indica que lo burèu d'estudis de Telcapi a pas fach a l’ora d’ara cap de comentari, mas qu’una reünion amb los dirigents es prevista dins los jorns avenidors.

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article