Bandièra01 1180x150: País Invisible

Actualitats

crotz-tolosaCreated with Sketch.GasconhaBearnPalés

Pau que’s desguisa en Carnaval

Lo Carnaval Bearnés qu’ei ua celebracion unica qui alia lo gai deu Carnaval a las arraditz culturaus de Bearn e deus Pirenèus

Pau que’s desguisa en carnaval
Pau que’s desguisa en carnaval | Unuaiga

Aquesta dimenjada, la vila de Pau que va estar ua hèsta de colors, de musica e de tradicion dab la celebracion deu tradicionau Carnaval Bearnés. Pendent lo Carnaval, las carrèras de la vila que vaden ua scèna animada, dab passacarrèras, espectacles de musica e de dança, e animacions entà tota la familha on l’occitan tostemps ei plan present. Lo punt culminant de la celebracion qu’ei lo Gran Dia de Carnaval, lo dissabte, on tropas locaus e visitaires que desfilan costumats dens las carrièras abans lo procès de Sent Pançard, lo rei deu Carnaval.

Lo Carnaval Bearnés que s’articula a l’entorn d’un imaginari particular qui met en scèna la figura de Sent Pançard, personatge joviau, gormand e grimaud qui simboliza la hèsta e los plasers de la vita. La hèsta que comença hens lo vilatge aragonés d’Ansó, on Sent Pançard que s’ei refugiat entà huèger lo cremader, arron d’estar arreconeishut copable de sons actes de l’annada precedenta. Après Ansó, que visita daubuns endrets bearnés entà fin finau abotir a Pau, on serà jutjat e cremat.

Aquera hèsta qu’ei celebrada desempuish 1985 e, annada après annada, qu’a evoluit e apondut navèths eveniments. Que vadó dens l’esperit de regropar e de reïnterpretar las practicas carnavalescas ja celebradas dens los Pirenèus e en Bearn. Cada annada, haut o baish 50 000 personas que participan a las diferentas activitats qui’s prepausan.

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article