Actualitats
Marmanda: li an barrat lo compte bancari per occitanofobia
La banca, qu’aviá acceptat que los relevats d’un client foguèsson en occitan, passèt al francés en setembre e ara li clava lo compte
Tèxte legit
La Caissa d’Estalvis de Marmanda a barrat lo compte de Laurenç Lemaitre-Martin, cercaire independent, conferencièr e collaborador de Jornalet. La banca aviá inicialament acceptat que sos documents bancaris foguèsson redigits en lenga occitana, mas ara o sembla de voler pas pus. Segon La Dépêche, que mençona L’Express, los relevats de compte e los RIB passèron sobde de l’occitan al francés en setembre de 2023, suscitant las interrogacions de Lemaitre-Martin. Ara, en mai d’aquò, sens cap d’explicas son compte es clausurat dempuèi febrièr de 2024.
La Caissa d’Estalvis Aquitània-Peitau-Charentas afirma que la barradura resulta d’incidents grèus, mas refusa de los especificar. Lemaitre-Martin, trucat per l’abséncia d’explicas, soslinha lo caractèr immoral d’aquela situacion. Malgrat que la banca contèste l’autorizacion iniciala dels documents en occitan, l’istòria soslinha las tensions lingüisticas e las questions sus la proteccion de las donadas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Es un escandal, paure mond !
Aquò pudís au cambiament de director o quicòm atau. Se cau pas desbrembar que sèm dens la Republica deus Pichons Capdaus que decidissen de tot de lor costat...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari