Bandièra01 capçalera  1180x150: Botiga

Actualitats

crotz-tolosaCreated with Sketch.LengadòcLengadòc NautTolosan

Una exposicion suls catars e sus la Crosada animarà l’ofèrta culturala de Tolosa aqueste an 2024

Lo 5 d’abril venent, s’inaugurarà una exposicion qu’ofrirà als vesitaires una experiéncia immersiva dins l’epòca de la crosada contra los albigeses

Presentada dins dos sits tolosans prestigioses, lo Musèu de Sant Ramon e lo Convent dels Jacobins, l’exposicion metrà en lum près de 300 objèctes remarcables
Presentada dins dos sits tolosans prestigioses, lo Musèu de Sant Ramon e lo Convent dels Jacobins, l’exposicion metrà en lum près de 300 objèctes remarcables | Lydia Mouysset

Tèxte legit

Lo Musèu de Sant Ramon de Tolosa dobrirà una fenèstra sus l’istòria captivaira dels “bons òmes e bonas femnas” amb una exposicion inedita entitolada “Catars: Tolosa dins la Crosada”. Aquela exposicion descriurà los eveniments marcants de la crosada contra los albigeses (1209-1229), en explorant tanben la question de l’eretgia dicha catara. Los tèxtes de l’exposicion auràn una version en occitan.

Presentada dins dos sits tolosans prestigioses, lo Musèu de Sant Ramon e lo Convent dels Jacobins, l’exposicion metrà en lum près de 300 objèctes remarcables. Demest eles, i aurà de documents d’archius excepcionals prestats per d’institucions famosas talas coma la Bibliotèca Nacionala de França e los Archius Nacionals, d’artefactes arqueologics inedits, d’òbras escultadas e pintadas, aital coma de materials de reconstitucion istorica de qualitat scientifica, compreses de vestits e d’armament de l’epòca.

Los vesitaires auràn l’escasença d’enriquir lor experiéncia gràcias a de dispositius sonòrs, numerics e interactius, en ofrissent una immersion totala dins aquel periòde crucial de l’istòria d’Occitània. Lo dispositiu ludic Trobador convidarà lo public a compausar sa pròpria cronica de la crosada contra los albigeses, en ajustant una dimension participativa a aquela exposicion immersiva.

Podètz trobar d’entresenhas sul sit del Musèu de Sant Ramon.

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
1.

Qu'i pòrti las meas classas en mai ;-)

  • 10
  • 0

Escriu un comentari sus aqueste article