Actualitats
40 000 personas an participat al festenal contra l’aeropòrt de Kernitron-al-Lann
S’agís d’una reüssida de las bèlas pels organizaires e participants
En dos jorns, mai de 40 000 personas an participat del festenal organizat contra la construccion d’un grand aeropòrt a Kernitron-al-Lann (Bretanha), que se debanèt aquesta dimenjada passada sus l’endrech ont se vòl far aqueste macroprojècte. Los occitans del grop Lo Còr de la Plana sonèron amb de grops bretons plan coneguts coma Sanseverino, Parabellum o los Ramoneurs de Menhirs.
Segon lo jornal breton 7Seizh, non sonque los organizaires son satisfaches, mas tanben los espectators-militants. Aperaquí 800 benevòls capitèron de menar a tèrme la reüssida de la dimenjada amb professionalisme e de bons resultats als forums, als debats e a la programacion musicala.
Julien Durand, reponsable de l’ACIPA, l’associacion ciutadana concernida pel projècte d’aquel aeropòrt, mostrèt sa satisfaccion a 7Seizh. “Al còr de l’estiu, la mobilizacion feblís pas, tot lo contrari. Refortís nòstra conviccion qu’avèm los mejans d’aténher la victòria contra aqueste projècte inutil que nos serà pas impausat”, çò diguèt.
Quaranta ans de lucha
Fa quaranta ans que se planifica la construccion d’un aeropòrt enòrme al costat de Nantas, a Kernitron-al-Lann. S’agís d’un projècte pensat en de burèus alonhats del terraire e qu’a trebolat tot un país, son biais de viure, sas relacions e que cèrca de desfigurar lo parçan.
A la fin dels ans 1970, una plataforma d’associacions s’èra organizada contra aquel aeropòrt e capitèt d’arrestar lo projècte amb de campanhas longas e massissas.
Dins las darrièras annadas, lo projècte es tornat sortir del tirador e menaça de destruir 2000 ectars de tèrras agricòlas, de bòsques e d’abitacions.
Dins una epòca de crisi economica, mas tanben de crisi d’energia e d’ecologia, l’utilitat d’aqueste projècte es mesa en question, en prenent en compte, sustot, que l’aeropòrt actual de Nantas fonciona pas amb tota sa capacitat e que dins la region i a ja 14 aeropòrts.
Dins lo movement antiaeropòrt se ditz qu’aqueste projècte es lo sòmi megaloman del socialista Jean-Marc Ayrault, primièr ministre de França, que foguèt cònsol de Nantas.
Segon lo jornal breton 7Seizh, non sonque los organizaires son satisfaches, mas tanben los espectators-militants. Aperaquí 800 benevòls capitèron de menar a tèrme la reüssida de la dimenjada amb professionalisme e de bons resultats als forums, als debats e a la programacion musicala.
Julien Durand, reponsable de l’ACIPA, l’associacion ciutadana concernida pel projècte d’aquel aeropòrt, mostrèt sa satisfaccion a 7Seizh. “Al còr de l’estiu, la mobilizacion feblís pas, tot lo contrari. Refortís nòstra conviccion qu’avèm los mejans d’aténher la victòria contra aqueste projècte inutil que nos serà pas impausat”, çò diguèt.
Quaranta ans de lucha
Fa quaranta ans que se planifica la construccion d’un aeropòrt enòrme al costat de Nantas, a Kernitron-al-Lann. S’agís d’un projècte pensat en de burèus alonhats del terraire e qu’a trebolat tot un país, son biais de viure, sas relacions e que cèrca de desfigurar lo parçan.
A la fin dels ans 1970, una plataforma d’associacions s’èra organizada contra aquel aeropòrt e capitèt d’arrestar lo projècte amb de campanhas longas e massissas.
Dins las darrièras annadas, lo projècte es tornat sortir del tirador e menaça de destruir 2000 ectars de tèrras agricòlas, de bòsques e d’abitacions.
Dins una epòca de crisi economica, mas tanben de crisi d’energia e d’ecologia, l’utilitat d’aqueste projècte es mesa en question, en prenent en compte, sustot, que l’aeropòrt actual de Nantas fonciona pas amb tota sa capacitat e que dins la region i a ja 14 aeropòrts.
Dins lo movement antiaeropòrt se ditz qu’aqueste projècte es lo sòmi megaloman del socialista Jean-Marc Ayrault, primièr ministre de França, que foguèt cònsol de Nantas.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Qu'es vrai ! Perqué nomar Notre Dame des Landes " Kernitron-al-Lann", en breton ? La comuna es dins l'aira galesa, lu breton n'i es pas parlat. Aime los bretons, qu'es pas lu problema, mas aime, coma per l'occitan, que la gent respectessen las frontieras linguisticas.
Per trobar lu nom de la comuna en galò, si iò fau, n'i a de las associacions (pense a Bertègn Galèzz per erzemple).
Bretanha? Cresiáu qu'era en Pays de la Loire ieu.
#2 Fan mestièr los arguments del mond favorables al projècte per aveire una vision objectiva.
Kernitron al lahn ? Paure, dobti grandament que s'es jamai agut parlat breton ailà... Ai totjorn agut de mau amb aqueu maximalisme breton, maugrat tota la simpatia qu'ai per lo moviment breton en generau.
A despart d'aquò, signali que lo Còr de la Plana es pas estat lo solet grop occitan de li jogar. Una polida programacion, va fau ben dire.
Rapòrt a la question de l'aeropòrt, siau tengut per mon dever de resèrva puei qu'es religat directament a çò que fau dins ma mission de fonccionari d'Estat. M'empacha pas de n'aguer un avejaire personau pron trencat. ;)
#1 a ieu me sembla non solament objectiu, mai tanben verai...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari