Bandièra01 1180x150: Comuna de Tolosa

Actualitats

Desfacha d’Erdoğan a las eleccions municipalas de Turquia

Lo CHP festeja una “victòria istorica” del temps que los pròcurds s’impausan clarament dins lo Curdistan turc

Lo cònol màger d'Istambol, Ekrem İmamoğlu, festeja la victòria
Lo cònol màger d'Istambol, Ekrem İmamoğlu, festeja la victòria | Erdem Sahim

Tèxte legit

Desfacha d’Erdoğan a las eleccions municipalas de Turquia. Lo socialdemocrata Partit Republican del Pòble (CHP) a obtengut una victòria “istorica” sul Partit Justícia e Desvolopament (AKP) del president Recep Tayyip Erdogan, aqueste dimenge. Alara que lo comptatge èra près del 96%, lo CHP obteniá lo 37,54% dels vòtes fàcia al 35,65% de l’AKP, e

lo cap del CHP, Özgür Özel, declarèt que lo cambiament èra radical, en afirmant que los resultats indicavan la volontat dels electors de modificar lo panorama politic país après 22 ans de govèrn islamoconservator. De soslinhar de victòrias importantas del CHP dins las principalas vilas coma Istambol (50,48 %), Ankara (59%) e Esmirna (48,32 %).

En mai d’aquò, lo partit pròcurd DEM a ganhat amb clartat dins lo Curdistan turc, amb la candidata Ayşe Serra Bucak Küçük. Per exemple, a Amed (Diyarbakır en turc) a obtengut lo 64,47% dels vòtes.

Lo DEM, eiretièr del Partit Democratic dels Pòbles (HDP), a capitat a recobrar de municipalitats ont s’èra revocat sos cònsols màgers acusats de terrorisme. Malgrat las denóncias de manipòla electorala, lo DEM espelís coma una fòrça dominanta dins una part bèla de las províncias curdas. Una victòria qu’implica una modificacion significativa de la dinamica politica turca, amb una neta responsa dels electors a la direccion actuala del país.

 

 

 

 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article