Bandièra01 1180x150: La Passem

Actualitats

IstòriaLengaPoliticaSocietat

Es mòrt Aureli Argemí, fondador del CIEMEN

Foguèt a l’origina de la Crida a la Solidaritat, de la Coordinacion de las Associacions per la Lenga Catalana, de la Plataforma pel Drech de Decidir e de l’ANC, demest de nombrosas autras iniciativas

Nos ven de quitar Aureli Argemí. Foguèt lo fondador del Centre Internacional Escarré per las Minoritats Etnicas e las Nacions (CIEMEN) e un grand defensor dels dreches dels Païses Catalans, çò rapòrta Vilaweb.

Nascut en 1936 a Sabadell (encontrada catalana del Vallès Occidental), Argemí foguèt escolan e monge a l’Abadiá de Montserrat pendent près de doas decennis. Dins los 1960, foguèt lo secretari de l’abat Aureli Maria Escarré, qu’acompanhèt dins l’exili que li impausèron las autoritats franquistas. El meteis explicava qu’èra vengut independentista pendent aquel exili, près de Milan.

Licenciat en teologia a Roma e a París, faguèt partida de la comunautat monastica de l’abadiá de Sant Miquel Cuixà, en Conflent.

Argemí foguèt totjorn ligat a la defensa dels Païses Catalans suls plans cultural e politic, e aquel combatent infatigable saupèt amassar a l’entorn a son entorn las generacions mai joves. Foguèt a l’origina de la Crida a la Solidaritat en 1981, de la Coordinacion de las Associacions per la Lenga Catalana (CAL), de la Plataforma pel Drech de Decidir en 2005, dont foguèt president, e de l’organizacion independentista Assemblada Nacionala Catalana.

Mas sa figura demorarà totjorn ligada al Centre Internacional Escarré per las Minoritats Etnicas e Nacionalas (CIEMEN), una entitat pionièra dins la defensa dels dreches dels pòbles del Mond entièr, que fondèt en 1974, e que contunha uèi de foncionar e d’èsser una granda referéncia internacionala. Conven de soslinhar que Jornalet a un acòrdi de cooperacion amb la revista Nationalia, la publicacion del CIEMEN, e sèm plan reconeissents de l’ajuda qu’avèm totjorn recebuda de lor part.

En 1985, quitèt la vida monastica e se consagrèt plenament al trabalh del CIEMEN. En 2016, recebèt la Crotz de Sant Jòrdi. Foguèt egalament distinguit per la Medalha d’Aur de Barcelona.

Argemí veniá de publicar un libre de memòrias entitolat La llavor sembrada (La grana semenada), ont amassa sos remembres de decennis d’activisme al benefici de son país e de sa lenga.

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
1.

T'he n'has anat, com molts, i caldria que algú seguis els teus pasos a Cat.
Espero que algú o alguns agafin el relleu de tants que se'n van, sinó, sinó s'és prou valent us trobarem a falta i molt.
Visca la Terra...Lliure! I molta sort allí on vagis.
L'Ernest, "el Tàrrega".

  • 0
  • 0

Escriu un comentari sus aqueste article