La partida fàcia a Warrington aviá daissat de traças. De mai, per aquel rescontre fàcia a Saint Helens, una aficha bèla qu’aviá remosat 11 000 espectators a Brutus, los Dragons perdián lo menaire de jòc Abdull al cap de dètz minutas e l’alièr Johnstone en debuta de segond mièg temps. Los catalans faguèron mòstra d’una resisténcia de fèrre e d’un realisme segur que lor i permetèt de marcar un ensag transformat dins cada mièja partida, mai una penalitat en fin de rescontre per véncer 14-8 e prene la primièra plaça al classament.

Dijòus, Wigan èra anat ganhar a Leigh: 40-12. Divendres, Castleford signava sa primièra victòria de la sason fàcia a Salford: 36-24. Lo camin de crotz se perseguissiá per Londres, batut 50-10 cò d’Hull KR . Warrington anava batre Leeds 34-8. Dissabte, Hull FC podiá pas res fàcia a Huddersfield: 22-56.

Aqueste dissabte 13, a Brutus, los Dragons afrontaràn Huddersfield pel compte d’un quart de finala de la Cup.

Desillusion en Championship per Tolosa que pèrd sa primièra partida a domicili fàcia a Swinton 14-20.

Los Andridragons son anats afrontar Wigan pel compte de la Copa d’Euròpa dels clubs de 13-cadieral : an emportat lo trofèu mercé a una larga victòria.

Finala audenca en Copa

Es a Marselha, sus l’estadi Delòrt, a dos passes del mitic Velodròm, que la Federacion aviá decidit d’organizar las mièjas finalas de la Copa de França.

D’en primièr, Carcassona rescontrava los Dragonets. Los audencs marquèron lèu-lèu tres ensages per menar 18-0, puèi 18-8 a la pausa. A la represa, dos novèls ensages marcavan la superioritat dels Canaris. Lo revelh catalan venguèt tròp tard per inquietar los Canaris qu’empòrtan la qualificacion 32-20.

Dins la segonda partida, Avinhon desfisava Lesinhan. Los provençals faguèron illusion pendent mièja ora en marcant dos ensages e en menant 10-0. mas un carton jaune fragilizava lor defensa. Lesinhan signèt tres ensages per menar 16-10 a la pausa e contunhèt la man mesa sus la partida dins lo segond temps per ganhar 33-10.

Las doas formacions audencas se retrobaràn en finala lo dissabte 27 d’abril a Brutus.

En finala de la Copa Nitard (U19), los catalans rescontraràn Tolosa.

Darrièra jornada de la fasa de classsament

Aquesta dimenjada se disputaràn las partidas de la darrièra jornada de la fasa de classament en campionat d’Elèit 1 que permetrà d’establir lo programa dels barratges entre Limós, Lesinhan, Dragonets e Pià. La Federacion a anonciat que, fin finala, las mièjas finalas se tendrián cò dels primièrs 2, a Carcassona e Albi.

Al programa de la dimenjada :

• dissabte : Carcassona-Vilanòva, Dragonets-Lesinhan, Pià-Albi

• dimenge : Tolosa-Limós e Avinhon-St Gaudenç.

En Elèit 2, dimenge, las partidas de barratge opausaràn, per un dèrbi catalan, Illa e Palau d’una part, e Carpentràs e l’Escura d’autra part.

NRL: los Lapinons malautejan

Lo campionat NRL a balhat de rescontres disputats: victòrias de Melbourne fàcia a Brisbane 34-32, dels Dògols fàcia als Polets 30-26, dels Dalfins fàcia als Tigres 26-16 o dels Vaquièrs fàcia als Titans 35-22.

Dins d’autras partidas, los venceires faguèron una brava diferéncia: los neozelandeses anèron batre los Lapinons 34-4; novèla desfaita de Penrith a Manly 18-32; Newcastle bat Sant Jòrdi : 30-10; Canberra domina Parramatta 41-8.

NRL: los Lapinons malautejan

Lo campionat NRL a balhat de rescontres disputats: victòrias de Melbourne fàcia a Brisbane 34-32, dels Dògols fàcia als Polets 30-26, dels Dalfins fàcia als Tigres 26-16 o dels Vaquièrs fàcia als Titans 35-22.

Dins d’autras partidas, los venceires faguèron una brava diferéncia: los neozelandeses anèron batre los Lapinons 34-4; novèla desfaita de Penrith a Manly 18-32; Newcastle bat Sant Jòrdi : 30-10; Canberra domina Parramatta 41-8.