Bandièra01 capçalera  1180x150: Novestivada

Actualitats

Tursan: navèth casting entà ua seria web deu 8 dinc au 19 de julhet

Que cèrcan 4 comedians e comedianas per mei d’un episòdi e 9 comedians e comedianas per un episòdi

Tursan: navèth casting entà ua seria web deu 8 dinc au 19 de julhet
Tursan: navèth casting entà ua seria web deu 8 dinc au 19 de julhet

Lo rodatge d’ua navèra seria web d’Eva Cassagnet qui’s ditz Lo Clacamion” que’s debanarà deu 8 dinc au 19 de julhet de 2024 en lo parçan de Tursan.

 

La hèita

 

Cada dissabte, sus la plaça deu vilatge, s’installa lo Clacamion. Sus la carta, la cosina vegetariana de Jordan, 25 ans, creator deu projècte d’un food truck , e la de la soa granmair de 70 ans qui a lançat la soa carta “Veguit !” hèra inspirada per las recèptas tradicionaus. Au pè deu camion, taulas e cadièras on los clients e vienràn regalà’s deus plats preparats e batalèras miadas dab los lors cosinèrs. Au menut, esclacarats d’arríder, chamalhadas, moments d’emocions, d’escambis leugèrs o mei pregonds sus subjèctes de la vita vitanta d’un vilatge.

Que cèrcan 4 comedians e comedianas per mei d’un episòdi e 9 comedians e comedianas per un episòdi. Monde qui saben parlar occitan en la varianta gascona, mei que mei, mes tanben, per quauques ròtles, en las autas variantas. Ua experiéncia dens lo teatre o l’audiovisuau qu’ei desirada mes pas obligatòria.

 

Mei d’un ròtle a gahar

 

Lo casting que’s  debanarà dens los locaus d’Òc Tèle lo dimèrcs 05 de junh de 2024 a Pau: 77, Avenguda deus Lilàs - 64 000 PAU. Entà postular, enviatz la vòsta candidatura per e-mail a e.glemet@saisoncinq...

Que cau precisar dens l’objècte deu messatge electronic lo ròtle causit, e hornir fòtos recentas e un numèro de telefonet.

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article