CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 18 d'agost

Actualitats

Dimècres, 14 d'agost de 2013, 03h00 Societat,Economia

Lengadòc > Comtat de Fois > Bassa Arièja

Un noiriguièr coseranés prepausa d’adoptar sas vacas

Lo client crompa la bèstia que la bòrda la pren en carga en balhant son rendement


Comentaris 7 comentaris    
Marrit Flac Bon Plan bon Fabulós (2 vòtes)
carregant En cargar


Christian Asna, un noiriguièr bovin installat a Castèths (Bassa Arièja), prepausa “d’adoptar” sas vacas. L’idèa es que lo client crompe una polida vaca gascona per 1800 èuros, mas es la bòrda que la pren en carga. Lo noiriguièr s’ocupa de la noiridura e de la santat de la bèstia e lo client deu sonque esperar los dividends, coma se s’agiguèsse d’un investiment.
 
Asna preferís “aquel concèpte d’economia participativa, [puslèu] qu’anar quèrre l’argent dins las bancas”. “Vendi mas vacas a de clients per un periòde de quatre ans, en tot restar lor noiriguièr. A la fin de l’annada, los proprietaris son remunerats en carn, e tanben en frucha o en lenha de calfatge, e a la fin dels quatre ans, ieu lor prepausi de recrompar la vaca segon sa valor de crompa”, çò explicava lo noiriguièr als jornalistas de La Dépêche du Midi.
 
Aquel investiment rapòrta als clients 6% l’an, en forma d’un bon de crompa de 108 èuros sus l’ensems dels produches de l’esplecha: de carn de buòu o de vedèl, de lenha de calfatge, de frucha (de figas, de prunas, de nòses…), de forratge, de palha. Se fasèm la comparason amb çò qu’ofrisson las bancas, aquò es un investiment tres còps mai rendable.
 
Asna a previst de vendre fins a vint vacas mas de demorar proprietari de sas 130 bèstias, e mai s’aquela idèa fa una intrada d’argent interessanta. A l’ora d’ara, Christian Asna a ja vendut sèt vacas e a dos autres contactes en cors. Los crompaires venon del país, mas tanben d’endacòm mai coma París e Lion.
 
Christian Asna es un tecnician agricòla qu’a viatjat en Espanha e l’America del Sud. S’installèt en 1985 e venguèt agricultor de zèro. “Soi estat un bon client de las bancas. Sabètz? Quand vos levatz cada matin e avètz 6000 èuros de remborsar, cal qu’aquò marche. Se cal bolegar. Uèi, soi segur de mon produch. La sola besonha que me mancava èra de me far conéisser, e espèri qu’aqueste projècte d’adopcion de vacas i participarà”, çò disiá. 



publicitat
BANER1-2-3: DGPL TRADUCTOR



Comentaris

15 d'agost 07.50h

#4 Coma ac èi dejà dit, qu'ei unha error fòrça espandida , deguda ara pronóncia populara deth mot (pertot en Coserans coma aulhors), influenciada pera lenga oficiala dera republica.La pronóncia Coseran qu'ei un francisme, a maudespieit dera grafia deth mot en francés. Era error de Per Noste que remonta a Palay, de segur.


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

14 d'agost 22.56h

Ne voletz pas reagir a l'article meilèu que de'vs pelejar a l'entorn d'un praube "s" e de qui a fautat envèrs la senta lenga occitana?

Que i a de qué díser aquiu, non? Jo qu'èi exprimit un punt de vista de vegetarian mes si s'èra agit d'adoptar un camp de blets arrois, qu'aurí escriut auta causa...


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

14 d'agost 21.01h

#4 Que pensatz dau diccionari gascon de Simin Palai, que dona unicament la forma 'Coseran' ('Couseran')?


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

14 d'agost 19.11h

#2 Coseran qu'ei ua pronóncia fòrça correnta, influenciada peth francés e en realitat fautiva. Coserans qu'ei era grafia corrècta, com ac rapèran Jòrdi Deladar e Patrici Poujade laguens eth son libe "L'occitan parlé en Ariège" editat per eth I.E.O Pàmias.


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

14 d'agost 12.04h

Adoptar ua vaca per la har tuar?... Bòf...


Valoriza aqueste comentari:   votar positiu 2   votar negatiu 3
Respondre comentari replica Comentari inadeqüat   Formulari d'abús de comentari

14 d'agost 10.06h

Lo diccionari Per Noste dit "Coseran". Benlèu i a duas versions, coma per exemple Bearn/Biarn.


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

14 d'agost 06.57h

Eth men pais que's ditz Coserans e cap Coseran. Que s'ei tostemps dit atau, desempuish eth atge miejan. Coserans dab ua s finala, com Astúrias en Espanha. Dilhèu qu'ei na raperar qu'eths "Coserannes" resultavan der' union d' un grop de pòples/nacions e non representavan cap ua nacion unica? Sai cap era rason, en tot cas, atau qu'ei.


Valoriza aqueste comentari:   votar positiu 2   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • D'Auvèrnhe occitan

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Asuèlhs de Menerbés. © Franc Bardòu

    Asuèlhs de Menerbés

  • Omenatge a Aragon. © Franc Bardòu

    Omenatge a Aragon

  • © Aure Séguier

    Carnaval Biarnés 2017

  • Gavotina marítima: trofèu d'August e vila vielha d'A Torbia

  • © Franc Bardòu

    Asuèlhs de Lauragués

  • Exposicion temporària sus Robèrt Lafont al CIRDOC (D.R.)

  • © Franc Bardòu

    Tèrra albigesa

  • La Primada de Montsegur 2013. © Bruno Sapena

    La Primada de Montsegur 2013

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Carnaval independent de Niça. © Centre Cultural Occitan País Niçard e Alpenc

    Carnaval independent de Niça

  • Arremassada de signatures pera independéncia. ANC Val d'Aran, Vielha 11-12 de gèr 2014

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Carnaval e fèsta per l'anniversari de la naissença de Jausep Garibaldi a Niça

  • Minecraft en version occitana

  • Via. © Andrea Celauro

    País d'Aison (Val d'Estura)

  • Niça vièlha en occitan niçard. © LR

    Niça vièlha en occitan niçard

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


35%



53%



13%



0%




Vots 40 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)