Actualitats
Un parelh e sos dos enfants son estats trobats mòrts dins una ostalariá a Bordèu
Un òme de 45 ans, una femna de 43 e lors dos filhs de 13 e 16 ans foguèron trobats mòrts ièr a miègjorn dins la cambra d’una ostalariá del centre de Bordèu. Segon de fonts pròchas a l’enquèsta se poiriá tractar d’un drama familial.
Las causas de las mòrts son pas estadas precisadas, mas segon los primièrs elements revelats pel ministèri public, cap d’arma de fuòc seriá pas estada emplegada. Segon Sud-Ouest, l’òme e la femna los aurián trobat penjats.
Los parents aurián drogat los adolescents amb de medicaments abans de los tuar e de se suicidar. Aurián daissat un escrich en explicant una situacion inextricabla per justificar aquela accion.
Lo drama s’es debanat dins l’ostalariá City Résidence, dins lo quartièr dels Chartrós, al centre de la vila près de Garona.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari