Actualitats
Un atac quimic près de Damasc auriá causat “de centenats de mòrts”
De membres de l’oposicion siriana acusèron ièr lo govèrn de Bashshar Al Asad d’aver atacat amb de gas nerviós qualques endreches prèps de Damasc, la capitala del país. Segon l’Observatòri Sirian dels Dreches Umans, l’atac a fach cent mòrts. De fonts localas parlan de fòrça mai de mòrts e lo principal grop de l’oposicion elèva la chifra de las victimas fins a 650. Lo govèrn sirian nega sa responsabilitat dins lo masèl. Cal dire que l’emplec d’armas quimicas poiriá èsser un pretèxt per l’intervencion occidentala dins lo conflicte.
Justament aquestes jorns, una mission d’expèrts de l’ÒNU es examimar sul terren se s’es emplegat d’armament quimic. Los opausants al govèrn demandan que visiten las zònas afectadas pel bombardament de ièr.
Cap de recèrca s’es pas debanada sus l’origina d’aquelas armas quimicas.
Se se confirma l’atac, que s’es debanat dins los quartièrs de l’èst —Zamalka, Arbin e Ayn Tarma—, seriá lo pièger dempuèi que comencèt la guèrra fa dos ans.
Las autoritats sirianas e los rebèls s’acusan mutualament d’emplegar d’agents quimics en aquela guèrra civila, qu’en dos ans a causat aperaquí 100 000 mòrts.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
d'un costat la propaganda dau govèrn d'Al assad dirigida pèr lo doctor Goebbels, de l'autre la propaganda de l'observatori sirian dels drechs umans dirigida egalament pèr lo doctor Goebbels assistit d'Al Quaïdat e Allah dins son paradis ambe lei vierges qu'esperan lei martirs e hollande que braceja, pecaire, aquo pot pas mai durar ! mai gardem se d'estimagtizar la comunautat musulmana onte ai vist a la télé de fidèus de mahomet furios que protestavan contra un atentat virtual contra una mosquèa qu'avià pas agut luoc, non pas de felicitar la polissa de l'aguer empachat
"Cal dire que l’emplec d’armas quimicas poiriá èsser un pretèxt per l’intervencion occidentala dins lo conflicte." Un pretèxt ? La redaccion a virat lo cap ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari