Bandièra01 1180x150: Comuna de Tolosa

Actualitats

Los sèt govèrns reversats oficialament pels Estats Units

La revista Foreign Policy los a plaçats sus una mapa

Gràcias a de documents que son pas mai secrets, diluns passat se saupèt oficialament lo ròtle actiu de l’agéncia estatsunidenca CIA en la destitucion del primièr ministre Mohammad Mosaddegh en Iran, en 1953, e l’intronizacion del sha Mohammad Reza Pahlavi, aliat de Washington fins a la revolucion islamica de 1979. Amb aquela revelacion, son ja sèt los païses que pendent la segonda mitat del sègle passat patiguèron de còps d’estat segondats e instigats secretament pels Estats Units. La revista Foreing Policy los a plaçats sus una mapa.
 
En mai d’Iran en 1953, los estatsunidencs s’impliquèron e intervenguèron pendent la Guèrra Freja dins sièis còps d’estat contra de govèrns democraticament elegits o contra de dictaturas. Es lo cas de Guatemala en 1954, de Còngo en 1960, de la Republica Dominicana en 1961, del Vietnam del Sud en 1963, de Brasil en 1964 e de Chile en 1973.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gèli Grande Lairac en Agenés
3.

Es plan de parlar de çò que faguèron los Estats Units d'America contra l'interés d'unes pòbles, mas caldria pas oblidar las causas equivalentas d'autras grandas poténcias coma URSS o China ....... L'imperialisme es pas sonque anglò-american, èra emai es totjorn rus o chinés e i a d'imperialismes mai pichons (espanhòl, italian, francés) qu'avançan mai o mens mascats.

  • 5
  • 1
BOURDON Pau
1.

"de còps d’estat segondats e instigats secretament pels Estats Units": segondats o instigats ? Instigats e segondats, lhèu ? La formulacion que dèisha perplèxa.

  • 0
  • 6

Escriu un comentari sus aqueste article