capçalera: CAOC

Actualitats

InternacionalPolitica

Las messorgas de Musk fan reagir de politicians europèus

Lo primièr ministre britanic, lo president francés, lo cancelièr alemand e lo primièr ministre norvegian critican las intoxicacions politicas de l’òme mai ric del Mond

Lo primièr ministre britanic, Keir Starmer, a respondut als prepauses infondats d’Elon Musk
Lo primièr ministre britanic, Keir Starmer, a respondut als prepauses infondats d’Elon Musk

Tèxte legit

Lo primièr ministre britanic, Keir Starmer, a respondut als prepauses infondats d’Elon Musk, que l’a acusat de complicitat dins un escàndol d’abuses sexuals que se tenguèt al Reialme Unit fa 15 ans. Starmer a condemnat las “messorgas e las desinformacions” difusadas per Musk, en las considerant coma una amplificacion del discors d’extrèma drecha. A tanben criticat los politics conservators qu’ara demandan una enquista, malgrat qu’an ignorat las recomandacions precedentas sus l’afar.

Musk s’es servit de son ret social X (de per abans dich Twitter) per atacar Starmer, en afirmant qu'aviá negligit d’abuses sexuals quand dirigissiá lo ministèri public britanic entre 2008 e 2013. Pasmens, de personatges coma l'ancian procuraire Nazir Afzal rebutan las allegacions de Musk, en soslinhant que Starmer sostenguèt de mesuras per melhorar lo tractament dels abuses e foguèt clau per aumentar lo taus de condemnacions.

A mai de difusar d’informacions falsas, Musk a mostrat son sosten a de personatges de l’extrèma drecha europèa, coma Tommy Robinson, un activista condemnat per de crimes d’òdi. A tanben afortit sos ligams amb de dirigents ultraconservators coma Giorgia Meloni e de partits coma Alternativa per Alemanha (AfD), un movement que li dona supòrt lo poderós multimiliardari per las eleccions legislativas venidoiras.

Las intervencions intempestivas de Musk recebon de criticas de dirigents coma Emmanuel Macron, que lo vei coma un promotor del “movement reaccionari mondial”, e del primièr ministre norvegian Jonas Gahr Støre, que denóncia son influéncia negativa suls afars democratics. Malgrat aquelas criticas, Musk contunha d'utilizar son ret social per amplificar los racontes de l'extrèma drecha e influenciar la politica europèa.

Lo pòrtavotz del govèrn alemand exprimís tanplan son inquietud per las recentas accions de Musk, que las a qualificadas de “difusion de la desinformacion”. De son latz, lo cancelièr, Olaf Scholz, demanda de “noirir pas lo tròl” dins una entrevista a Stern.

 

 

 

 

 

 

 

 

 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: PUBLICITAT

Comentaris

Lachaud
1.

Quò seria nonmas un brejadis de politicians?
non, quò es mai qu'aquò.
Quò es una afar coma a la Liberacion en 1945. Los politicians europeens son minjats per la corupcion e risquant un procès coma aquel de Nuremberg apres 194.5.
Lo grand cambiament arrieba e quò sera un cambiament que prend sas racinas dins lo còr daus òmes e de las femnas: non a la guerra, non a las messonjas; òc es a la patz, a la solidaritat, novela orientacion de la recercha scientifica o autra, de l'istòria anciena e quò se passera sur tota la planeta. Coneitram la vertat sur los ovnis e los etra-terrestres e mesme explorarem l'interior de la Terra ente nos esperan de belas surprisas.

  • 1
  • 10

Escriu un comentari sus aqueste article