Tèxte legit
En Super-XIII, aqueste dissabte, al Molin, Lesinhan recebiá Carcassona. Los Canaris marcavan d’entrada per menar 24-6 a la pausa. Se tranquillizavan en marcant tre la represa e en clavant lo trabalh del responsable del planchòt a la darrièra minuta per un seisen ensag e una victòria 38-12.
A Limós, Tolosa marcava son tresen punt de bonus defensiu en pausant bravament de problèmas als locals que ganhan 24-16.
A Albi, Vilafranca es menat 6-8 a la pausa, pren l’avantatge 10-8 tre la represa. Los Tigres marcan un ensag e los Lops replican, mas dins las darrièras dètz minutas dos ensages permeton la victòria complicada dels albigeses 22-14.
Dimenge, a Sent Gaudenç, fàcia als Dragonets, los Orses menavan 14-4 a la pausa, mas lo final catalan èra plan melhor per emportar la partida 20-16.
La partida Avinhon-Vilanòva se jogarà aqueste dissabte 1r de febrièr de vèspre.
L’ora de la represa pel TO e los Dragons
Aqueste dissabte 1r de febrièr de vèspre, a l’estadi Brutus, los Dragons Catalans reçaupràn lo Tolosa Olimpic, partida de preparacion per las sasons novèlas de Super League e de Championship.
Lo 8 o lo 9 de febrièr, los Dragons aniràn afrontar Halifax Panthers qu’a eliminat lo club de la National Conference League, lo Thatto Heath Crusaders, 48-6.
Dimècres, dins una serada al Palais dels Congrèsses de Perpinhan, los Dragons presentèron la formacion novèla. L’atribucion dels numèros daissa pensar a un tretze de basa amb Sam Tomkins a l’arrièr, los tres nòuvenguts Tommy Makinson e Nick Cotric a las alas e Reimis Smith al centre en companhiá d’Artús Romano. La carnièra associarà l’australian Luke Keary a la dobertura e Artús Mougue a la mesclanha. En primièra linha, los pilars Tevita Pangai e Julian Bosquet enquadraràn lo capitani-talonaire Benjamin Garcia. En segonda linha, trapariam Tariq Sims e lo revenent Eliot Whitehead alara qu’en tresena linha jogariá Oliver Partington. Aquò fa pas que 4 occitans dins lo tretze de despart per defendre las colors catalanas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari