Bandièra01 capçalera  1180x150: Novestivada

Actualitats

Per lo primièr còp, París a onorat los republicans espanhòls

| FFREEE
Dimenge passat, la bandièra republicana espanhòla foguèt onorada a París per lo primièr còp, en la ceremònia per commemorar la liberacion de la vila francesa.
 
Aquò foguèt possible mercés a l’Associacion dels Filhs e Filhas dels Republicans Espanhòls e d’Enfants de l’Exili (FFREEE). Eles foguèron convidats pel cònsol de París, Bertrand Delanoé, e per Anne Hidalgo, primièra adjoncha e candidata per consolesa de París pel PS. Anne Hidalgo es d’origina espanhòla e mai se sos parents foguèron d’immigrants economics.
 
Per capitar aquela reconeissença, l’associacion deguèt enviar una letra oficiala, en julhet passat, en demandant al cònsol de París que reconeguèsse la participacion dels militars republicans en aquela liberacion. A l’ora d’ara, aquela associacion, que ten sas originas entre los filhs dels republicans espanhòls que foguèron embarrats dins lo camp de concentracion d’Argelers, assegura que lucharà per aténher la reconeissença del ròtle dels republicans espanhòls en aquel fach, per que s’estúdie dins las escòlas francesas e per que siá present dins los libres d’istòria.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article