Actualitats
Una istòria poetica d’aucèls e d’amistat, ara en soscripcion
Lo Blaublu e la Silveta es un raconte escrich en una lenga simpla e poetica
Tèxte legit
Lo libre Lo Blaublu e la Silveta escrich per Fèlix Daval, es disponible en soscripcion fins al 2 de mai. Aquela istòria, redigida en una lenga simpla e poetica, seguís la vida dels aucèls que pòblan las vals entre avelanièrs e albespins, coma lo gai Glanet, las mesengas e d’autras espècias qu'afrontan los predators. Delà la natura salvatja, se parla tanben d’amistat, de solidaritat e d'amor.
Lo libre compren un còde QR per escotar de fragments de l'istòria en occitan, enregistrats pels escolans bilingües del collègi de Lacapelle-Marival amb lor professor Estève Clerc. Lo tèxt es bilingüe, en occitan e en francés, amb una traduccion de Christine Rouchet Tible e d'illustracions de Cric.
La soscripcion se pòt far en mandant un chèc de 10 èuros a l'associacion Aquí l’Òc abans lo 2 de mai. Après aquela data, lo libre se vendrà a 12 èuros, mai 10 èuros de còstas de mandadís. Se poirà tanben trobar a l’Espaci Occitan Carcinòl de Sant Seren (Segalar Carcinòl).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari