CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 21 d'agost

Actualitats

Diluns, 2 de setembre de 2013, 03h00 Societat,Politica,Internacional

Obama demandarà al Congrès dels Estats Units l’autorizacion per atacar militarament Siria del temps que França es prèsta

Lo govèrn estatsunidenc assegura qu’a de pròvas per atribuir l’atac quimic al govèrn d’Al Asad. L’OTAN ditz que non participarà a un eventual atac militar. Anglatèrra a pas lo sosten parlamentari e França serà lo sol aliat dels Estats Units per far la guè


Comentaris 3 comentaris    
Marrit Flac Bon Plan bon Fabulós (2 vòtes)
carregant En cargar


Lo president estatsunidenc Barack Obama anoncièt dissabte de ser que demandariá l’autorizacion del Congrès dels Estats Units per un atac militar limitat en Siria. Obama expliquèt que cal atacar lo govèrn de Bashshar Al Asad per arturar l’usatge d’armas quimicas contra la populacion innocenta. A anonciat tanben que l’atac es prèst per se far sul pic quand lo Congrès l’autorizarà. “Qual messatge donarem al Mond se daissam qu’un dictator tue de centenats o de milièrs de ciutadans innocents amb de gas?”, çò disiá Obama, que se mostrava convencut del besonh de protegir la seguretat globala e, tanben, la dels Estats Units.
 
Dins una intervencion als mèdias, de qualques 10 minutas, Obama a evocat l’esperit solidari de l’intervencion estatsunidenca dins la Segonda Guèrra Mondiala, en afirmar qu’a de pròvas irrefutablas que lo “dictator” Al Asad a emplegat d’armas de destruccion massissa contra lo sieu pòble. “Quin messatge mandarem al Mond se pòt enviar a la mòrt de centenats d’enfants sens pagar cap de prètz?”, çò se demandèt Obama.
 
Es per aquò que ditz qu’a presa la decision d’intervenir, e los caps militars estatsunidencs son prèstes per o far quand serà ora. “Pòt èsser deman, dins una setmana o dins un mes”, çò diguèt lo prèmi Nobel de la Patz.
 
Per contra, apondèt que pòt pas avançar sens l’autorizacion del Congrès, e per aquò portarà la question a la cambra parlamentària per cercar lo sosten politic.
 
Lo gabinet del president es pas tròp content per aquela decision, mai que mai en vesent la revirada del parlament britanic contra David Cameron, que l’a empedit de far la guèrra en Siria. Mas Obama considèra que “cal lo debat” e que cal prémer la comunautat internacionala, perque crei qu’en portant la question al Congrès dels Estats Units, la mena a la rèsta del Mond.
 
 
L’OTAN participarà pas a un eventual atac militar
 
Lo secretari general de l’OTAN, Anders Fogh Rasmussen, a escartat que l’Aliança Atlantica participe a un possible atac militar contra Siria, que per ara solament compta amb lo sosten dels Estats Units e de França. “Vesi pas cap de ròtle de l’OTAN en una responsa internacionala al regim”, çò afirmèt Rasmussen en una entrevista al jornal danés Politiken. Pasmens, lo secretari general de l’OTAN considèra qu’es una question ont ven als estats membres de decidir lor participacion en un eventual atac militar, pr’amor que “i a pas cap d’alternativa a una solucion politica negociada”. Segon Rasmussen, la comunautat internacionala deu respondre a l’usatge d’armas quimicas d’Al Assad contra la populacion.
 
 
L’ÒNU deu analisar las pròvas reculhidas
 
La còla de recercaires de l’ÒNU qu’arribèt sus plaça diluns passat, per examinar l’atac quimic dins de quartièrs près de Damasc, acabèt d’amassar de pròvas ièr, dimenge de matin. Ça que la, lo pòrtavotz de l’ÒNU, Martin Nesirky, precisava dissabte que i auriá pas cap de rapòrt preliminar, pr’amor qu’abans cal far las analisis scientificas. Nesirky diguèt que, e mai s’òm faguèsse çò de mai rapid possible, es un procès complèxe que se menariá a la sedença de l’Organizacion per la Proïbicion de las Armas Quimicas, a L’Aia (Païses Baisses).
 
L’oposicion acusa lo regim de Bashshar Al Asad d’aver tuat de centenats de personas amb de gas sarin la setmana passada. Per contra, lo govèrn acusa l’oposicion de n’èsser los autors.
 
 
Manifestacions contra la guèrra
 
De nombrosas protèstas contra l’intervencion en Siria se son debanadas pertot. Las mai reüssidas se debanèron a Washington davant l’Ostal Blanc, a Londres per mostrar lo refús de la societat britanica, e tanben a Francfòrt e Sydney.


França preparada per atacar Siria
 
França sembla dispausada del tot a far la guèrra en Siria. A la diferéncia de çò que se passa al Reialme Unit e als Estats Units, ont los parlaments dificultan l’atac, dins l’estat francés lo president de la republica a pas de besonh de l’autorizacion de l’Assemblada per l’ordenar. Aital François Hollande s’amassa uèi amb los maximals representants del govèrn e del parlament per preparar un debat dimècres a l’Assemblada Nacionala, que se farà sens vòte. Hollande cèrca oficialament lo consens maximal per un atac que los sondatges d’opinion presentan ges popular.
 
Ça que la, França esperarà la decision del Congrès dels Estats Units, que lo 9 de setembre deu decidir s’ataca Siria o pas. Lo Parlament britanic a ja enebit al primièr ministre de participar a una accion coma aquela.
 
Segon lo govèrn francés, es evident que l’atac amb d’armas quimicas contra la populacion civila lo faguèt lo govèrn sirian. Afirma que farà lèu public un dorsièr dels servicis secrets amb de pròvas. La participacion francesa a un possible atac seriá segurament aeriana, coma se passèt ja en Libia.



publicitat
BANER1-2-3: DGPL AN LAFONT



Comentaris

2 de setembre 20.34h

#1 'Arturar' (Coromines) e 'aturar' (Mistral) son ben de mots occitans, amb de sens un pauc diferents un de l'autre.
Lo diccionari de Mistral atèsta 'ges' davant un adjectiu: 'ges venjatiu, ges traite' (a l'article 'gens').


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

2 de setembre 09.30h

Que conariá las guerras ! De marriás jornaas en prevision...

Aürosament qu'en democracia lo pòble pòl far contrapés ! A... Bè non marcha pas en França ! Totun, lo Rei... non lo President (excusatz), decide soret de la guerra.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

2 de setembre 05.35h

un peçuc de lexicografia :arturar ? arrestar per ieu e non pas lo catalan aturar, los sondatges d'opinion presentan ges popular, non pas gaire popularfs; emplec de ges. as de sous ? non, n'ai ges (pas du tout) en ges de façon (d'aucune manière). ara sus lo fons, : de ges de façon, la punicion militari d'Obama e de son caporau Hollande pot èsser considerada coma una manifestacion vertuosa, mai es pulèu un acte de guèrra, preludi à una intervencion dirècte dins lo conflict .quand vesè... Legir mai


Valoriza aqueste comentari:   votar positiu 2   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo drech de viure es pus important que totas las frontièras

Uèi, dimenge 18 d’agost, fa 18 jorns que l’Open Arms reten malgrat el mai d’un centenat de migrants socorreguts en marrit estat de santat. Enfin, lo naviri es arribat davant ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

Entrevista

Mn. Condò siguec hilh dera Renaishença Catalana

Jusèp Amiell prèire e escrivan aranés

Mn. Condò siguec hilh dera Renaishença Catalana
giny

giny

publicitat

lateral 2 teveoc

Fotografias

  • © Celèsta Toion

    La plaja espaci de libertat? D'expression?

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Aure Séguier

    Carnaval Biarnés 2017

  • © Conselh Generau d'Aran

    Lo Torn de França 2016 en Aran

  • Asuèlhs comengeses. © Franc Bardòu

    Asuèlhs Comengeses

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • Coserans: Sent Líser, Casavèth, Sent Guironç, Saurat...

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • Omenatge a Aragon. © Franc Bardòu

    Omenatge a Aragon

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    Tèrra albigesa

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Montpelhièr: inauguracion de la granda exposicion patrimoniala "Max Roquèta, la libertat de l'imaginari"

  • Irissa: prumèra edicion dera corsa populara de BTT

  • Los Pokémons de la 3a generacion revirats en occitan

  • © Franc Bardòu

    Catalonha etèrna

  • Castelar

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Creses que refusar de socórrer los migrants es racista?


44%



36%



19%



0%




Vots 99 vòtes

comentaris 1

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)