Lo pilòt d’un avion de torisme, victima d’un auvari de motor, deguèt aterrar sus l’estrada periferica d’Albi dissabte de tantòst. I aguèt pas cap de ferit.
Un petit avion de torisme, propulsat per un motor d’eliç, se pausèt sus l’estrada periferica d’Albi dissabte a 17h00 sens tustar cap de veïcul, a una ora ont lo trafec es dens. L’estrada periferica d’Albi a doas vias per sens, amb un ralh de seguretat al mièg.
“L’avion de torisme s’es pausat sus una porcion d’estrada periferica a qualques centenats de mètres de la pista d’aterratge de l’aerodròm d’Albi-Lo Sequèstre, çò precisèt a l’AFP la gendarmariá del departament de Tarn.
L’aparelh veniá de menar de paracasudistas a lor ponch de saut, e fasiá rota cap a l’aeropòrt quand arribèt un auvari al motor de l’aeronau. Lo pilòt aviá pensat de far planar l’avion fins a la pista de l’aeropòrt mas foguèt obligat d’aterrar abans, en fasent un aterratge plan cort sus l’estrada periferica, segon çò qu’expliquèt a l’AFP la tor de contraròtle de l’aeropòrt.
Lo pneumatic de davant de l’avion esclatèt a l’impacte de l’aterratge e los servicis de secors evacuèron l’aparelh, pauc abans 19h00, en permetent lo restabliment de la circulacion plan perturbada per l’incident.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Estaria bé que les locucions dels vídeos fossin fetes en languedoc. Salutacions des de Catalònha.
Lo Mathias Rust d'Albigés !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari