Bandièra01 1180x150: Comuna de Tolosa

Actualitats

Las inegalitats escolaras demòran

| Nirmal & Humaira
La rintrada escolara es passada, e la lei d’orientacion de l’escòla comença d’èstre aplicada. Mas “la novèla lei pòrta pas sus l’essencial de las dificultats francesas: la pedagogia, lo contengut e los metòdes d’ensenhament”, çò deplòra l’Observatoire des inégalités (Observatòri de las Inegalitats). D’efièit per el, “l’escòla francesa se deu reformar dins son ensemble per lutar contra las inegalitats escolaras”. Calriá tornar veire los sabers dispensats, que serián “tròp academics”, valorizar las coneissenças professionalas e tecnicas e tornar considerar lo sistèma d’avaloracion permanenta. E sustot, se calriá “adaptar a cada escolan, qual que siá son mitan social, e pas pus foncionar pels ja favorizats”.
 
D’efièit, se lo nivèl d’educacion global a aumentat, las inegalitats se son tanben accentuadas. Los 10% d’escolans que fan los estudis mai longs an aumentat de quatre ans lor durada d’escolaritat. Mas en cò dels 10% que seguisson los estudis mai corts, a crescut sonque d’1,3 an. “En 1996, un enfant d’ensenhaire aviá 8,5 còps mai de possibilitats d’èstre bachelièr qu’un enfant d’emplegat de servici. En 2002, èra 15,7 còps mai...”, çò conclutz l’Observatoire des inégalités.
 
 
 
 
Aura Séguier
de La Setmana

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Ernèst Guevara Jr. L'Avana
4.

Las inegalitats escolaras demòran que demoraràn : los enfants dels pobles colonizats per França, catalans basques, corsegues, apritans, bretons, alzacians, flamencs e autres pòbles maòris, amerindis etc… recebràn pas una escolaritat integralament dins sa lenga, contràriament als enfants del pòble francés ! Ni mai, contràriament als Franceses, totes aqueles pòbles contunharàn longtemps d'ignorar sas istòrias e literaturas escritas e/o oralas plan longtemps, tant qaue possible fins a çò que ne crèben d'amnèsia ! « Liberté d'annexer et d'exploiter les autres, égalité devant le droit de la fermer si on ne parle pas français, fraternité des Français entre eux et peu importe les autres colonisés… » Es polida, la "republica" francesa, tè !

  • 3
  • 0
garric
3.

Un factor essencial de reproducion de las inegalitats socialas : Los devers a l'ostal. Cò mai ipocrita, es que son los regents mai "republicans egalitaristas" qu'assucan los escolans de devers. La lei es plan flaca aquí dessús.

  • 1
  • 0
pèire cardenal
2.

mai de qu'es aquo, de totjorn estigmatizar lei pus favorizats e de voguer una egalitat utopica ! un drolle que'es arribat ambe sei parents dau fins fons de" l'Africa podrà jamai èstre tant egau qu'un enfant de professor de l'educacion nacionala que tojorn que mai s'elava contra leis inegalitats escolaras - son ideologia tendrament proclamada e qu'en realitat mete seis propris enfants dins de classas onte l'element maugraben es purament simbolic, coma l'ai viscut e podi ne testimoniar !, coma aquo lo nivèu de la classa serà bon, e l'observatoire des inegalités farià mielhs d'observar leis estèlas ! mai enfin aqueu besingonha fai una gacha de mai per professors e fonccionaris

  • 2
  • 0
Ricard Sant Maxima
1.

Nos aurián dich de messòrgas sus l'egalitat ?
Pasmens se ditz totjorn la veritat a la tv e coma per lei politics au poder, non ?

  • 1
  • 0

Escriu un comentari sus aqueste article