Bandièra01 capçalera  1180x150: Botiga

Actualitats

An “bilingüizat” un autobús urban en Bretanha

| Ai'ta
Lo collectiu Ai’ta, associacion de desobesissença civila que manifèsta per l’usatge del breton dins la vida vidanta, a organizat a Gwened (Bretanha), una operacion simbolica de “bilingüizacion” d’un autobús urban de darrièra generacion. I an apondut lo breton suls dispositius visuals e sonòrs de senhalizacion dels arrèstes.
 
En setembre de 2010, l’Aglomeracion de Gwened signèt un acòrdi amb l’Ofici Public de la Lenga Bretona per promòure l’usatge del breton dins la vida publica. Mas a fach pas res, e mai a refusat tot çò que s’es prepausat, quitament de demandar una subvencion per dobrir una escòla mairala, segon çò que rapòrta lo jornal breton 7Seizh.
 
En mai d’aquò, en setembre de 2012 l’Aglomeracion de Gwened renovelèt son ret d’autobuses, qu’es una de sas competéncias principalas, e lancèt una nòva senhaletica ont lo breton es del tot absent, e mai se l’acòrdi estipulava que lo breton seriá dins l’installacion sistematica de tota senhaletica nòva.
 
Es pr’amor de tot aquò que tres ans après l’engatjament oficial non complit, lo collectiu Ai’ta a procedit a aquela accion.



Ai'ta - Brezhonekaat ur bus Kicéo e Gwenedper ai-ta-bro-leon

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Logat Fabregas (Occitanìa)
4.

Cal faire coma aquò en paìs nòstre

  • 0
  • 0
Gerard Joan Barceló Pèiralata
3.

Una accion que poiriam far nosautres tanben... L'estat e las collectivitats territorialas nos respèctan pas? Fagam-nos respectar d'eles!

  • 10
  • 3
Batko
2.

E podèm hidar los politics, quitament s'an signat un document, n'ac hèn pas ...

  • 7
  • 0
Pimflòid
1.

Solidaritat!

  • 9
  • 0

Escriu un comentari sus aqueste article