Bandièra01 1180x150: Comuna de Tolosa

Actualitats

Tornarmai d'eleccions en Grècia per manca d'acòrdi

| Cata Bravo

Totes los ensages d'acòrdi per fargar un govèrn an fracassat. Las eleccions se poirián tornar debanar lo mes que ven, çò anoncièt dimars passat Evangelos Venizelos, dirigent del PASOK, après l'amassada amb lo president grèc, Karolos Papoulias.


Participèron a aquela amassada totes los dirigents dels partits qu'obtenguèron de sètis al parlament a las eleccions del 6 de mai, quitament los de Syriza e los d'Esquèrra Democratica, que son contra lo plan de salvament de l'Union Europèa. Ça que la, los neonazis i èron pas convidats. S'agissiá del darrièr ensag de formar un govèrn, tanplan fracassat per manca d'acòrdi entre los partits, qu'accèptan quitament pas la prepausa de Papoulias de far un govèrn de tecnocratas. 


Segon los darrièrs sondatges, la coalicion de l'esquèrra radicala, Syriza, pòt desfar lo bipartidisme grèc PASOK - Nòva Democracia, en podent quitament arribar a èsser la formacion mai votada, segon lo jornal Ekathimerini.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
1.

Aristofanes porriá tornar que se trapariá en terrenc conegut. Ja de son temp la democràcia a Atenas èra un brave embolh.

  • 0
  • 0

Escriu un comentari sus aqueste article