Actualitats
Glaudi Barsotti se retira mas contunharà de collaborar a Mesclum
Miquèu Arnaud prendrà en carga la tribuna occitanofòna de La Marsellaise e L’Hérault du Jour
Segon d’informacions qu’a publicadas Aquò d’aquí, lo jornalista e escrivan marselhés, Glaudi Barsotti, a anonciat que pren sa retirada, mas que contunharà d’escriure dins la rubrica setmanièra Mesclum, que lo jornal La Marsellaise la publica. Barsotti collabòra amb lo jornal marselhés dempuèi los ans 1980 amb sa pagina en occitan.
Mesclum es la pagina en lenga occitana de La Marsellaise qu’a fach dempuèi 28 ans de promocion de las letras occitanas. La tonalitat d’aquela tribuna es d’esquèrra, coma la rèsta del jornal e coma lo quite Glaudi Barsotti.
Mesclum se publica cada dijòus dins La Marsellaise e tanben dins lo jornal montpelhierenc L’Hérault du Jour.
Barsotti a publicat de romans policièrs, de biografias, un istòria dels santons, de recèptas de cosina… es un fin coneisseire del music-hall marselhés e quand fa de conferéncias sul parlar de Marselha, emplís las salas sistematicament.
E mai se Barsotti se retira pas de Mesclum, ne daissa la direccion a Miquèu Arnaud, president de l’IEO del departament de las Bocas de Ròse e d’associacions occitanistas de la Ciutat Focèa.
Mesclum es la pagina en lenga occitana de La Marsellaise qu’a fach dempuèi 28 ans de promocion de las letras occitanas. La tonalitat d’aquela tribuna es d’esquèrra, coma la rèsta del jornal e coma lo quite Glaudi Barsotti.
Mesclum se publica cada dijòus dins La Marsellaise e tanben dins lo jornal montpelhierenc L’Hérault du Jour.
Barsotti a publicat de romans policièrs, de biografias, un istòria dels santons, de recèptas de cosina… es un fin coneisseire del music-hall marselhés e quand fa de conferéncias sul parlar de Marselha, emplís las salas sistematicament.
E mai se Barsotti se retira pas de Mesclum, ne daissa la direccion a Miquèu Arnaud, president de l’IEO del departament de las Bocas de Ròse e d’associacions occitanistas de la Ciutat Focèa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E cal tanben que contunhe de nos porgir de bons romans.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari